11 - Endrey ny voninahitrao

1 Endrey ny voninahitrao
Ry Ray Tsitoha ô !
Endrey ny fiandriananao
Hajainay eram-po.

2 Ny herinao, ny andronao,
Dia mandrakizay !
Ny lanitra mitsaoka Anao
Ry Andriamanitray.

3 Ny tavanao mamiratra
Ny fahamasinanao
Sy hery tapitr’ohatra
Ny fahendrenao soa.

4 Endrey, matahotra aho izao,
Ry Tompo Masina ô !
Mangovitra eo imasonao
Sao dia lavinao.

5 Na dia ambony Hianao,
Dia nidina amiko
Nitondra fihavanana,
Ka dia mba tiako.

6 Koa aiza re no misy ray
Mitovy Aminao :
Mikarakara tsara anay
Izay natsanganao.

7 O, mahagaga Hianao,
Ry Tompo tia anay,
Ny fonay dia hatoky Anao
Ambara-podinay.

12 - Jehovah ô, derainay Hianao!

1 Jehovah ô, derainay Hianao !
Ankalazainay ny Anaranao !
:,: Izao rehetra izao manaja
Anao
Fa Rainay ho mandrakizay :,:

2 Mpanjakanay sy Tompo
Masina
Omenay eram-po ny hasina
:,: Izao rehetra izao mihoby
Anao
Fa Rainay ho mandrakizay :,:

3 Ry Masina manerinerina,
Jehovah be fitia sy marina !
:,: Izao rehetra izao misaotra
Anao
Fa Rainay ho mandrakizay :,:

4 Manerana izao tontolo izao
Ny laza sy ny voninahitrao,
:,: Izao rehetra izao hanoa
Anao
Fa Rainay ho mandrakizay :,:

5 Andriananahary Masina ô !
Tanteraka ny fiandriananao,
:,: Izao rehetra izao mitsaoka
Anao
Fa Rainay ho mandrakizay :,:

13 - Misaora ny Mpahary

1 Misaora ny Mpahary,
Tsarovinao ny asany
Misaora ny Mpahary
Derao ny soa vitany !
Ny helokao rehetra
Dia voavelany,
Fa tsy mba misy fetra
Ny fitiavany :
Ny Zanany nafoiny
Mba ho mpamonjinao,
Ka hianao nantsoiny
Handray ny aim-baovao.

2 Ny toky izay nomeny,
Sy ny fahasoavana,
Maharitra ireny
Tsy manam-pahataperana,
Avelany tokoa
Ny hatezerany,
Ka tsy mba hahavoa
Antsika olony,
Fa Izy mahalala
Ny toetsika atý,
Ka tena Ray mandala
Antsika zanany.

3 He, toy ny voninkazo
Ny ain’ny olombelona,
Tsy ela dia malazo
Ka tena mora levona,
Fa Jeso manan-kery
Hamoha fasana,
Tsy hisy izay ho very
Ny olo-masina ;
Isika vovotany
No namboariny
Hiombom-panjakana
Sy laza aminy.

4 Misaora ny Mpahary,
Ry tany sy ny lanitra !
Ry zava-boahary,
Derao Andriamanitra !
Ry irany mahery
Manao ny sitrany,
Ry zanany izay very,
Kanefa hitany,
Misaora Azy àry,
Fa heniky ny soa,
Misaora ny Mpahary,
O, ry fanahiko !

14 - O, ry tany rehetra avia izao

1 O, ry tany rehetra, avia izao
Hidera ny Tompo
Mpanavotra anao
Ny Tompo miantso
antsika hankao
Anatrehany, mba
hohasoaviny ao :
Dera, laza anie
Voninahi-dehibe,
Ho Anao, ry Tomponay
Tsitoha ô !
Amen.

2 He, Jehovah miantra
antsika izao,
Ka dia manolotra
antsika indray
Ny endriny mbamin’ny
aina vaovao ;
Eny, Izy Manaiky
tokoa ho Ray
Dera, laza, ..sns.

3 Asandrato ny feo hihoby
hoe :
Isaorana mandrakizay
Hianao,
Ry Tompo Mahery,
Izay manome
Ho anay olom-bery
ny aina vaovao ;
Dera, laza, ..sns.

15 - Avia hankalaza

1 Avia hankalaza
Ny Tompo lehibe,
Fa feno hery, haja,
Jehovah Masina e
Andeha mitambara,
Ry vazan-tany ô !
Miankohofa tsara
Hanaja Azy izao.

2 Ry Tomponay Tsitoha
Indreto izahay,
Manondrika ny loha,
Midera Anao, ry Ray
Ny fonay sy ny hery,
Fanahy, saina koa,
Omena Anao irery,
Ka anjakao tokoa.

3 Mpanjaka tena hendry
Hianao, ry Tomponay,
Ka tena mahakendry
Izay hahasoa anay ;
Na misy toa mangidy
Ny fitondranao soa
Ny saina sy safidy
Manaiky Anao tokoa.

4 Manerana ny tany
Izao ny lazanao,
Ka be tsy hita lany
Ny voninahitrao ;
Koa hira fiderana
Ventesinay izao
Haleloia, Hosana !
Mba raiso ho Anao.

16 - Avia, ry vazantany ô!

1 Avia ry vazan-tany ô !
Sy mponina ao an-danitra
Miraisa feo ka mihirà
Ny fanavotan-dehibe,
:,: Izay amonjena marobe,
Dia vita re ka miderà :,:

2 Avia ry fiangonana ô !
Mba asandrato re ny feo
Hidera ny Mpanavotra ;
Na atý an-efitra aza izao,
:,: Hirao am-pandehanana
Ny hira soan’i Ziona :,:

3 Avia ry voavonjy ô !
Ka mifalia avokoa,
Fa afa-doza hianareo ;
Miraisa feo, ka mihirà,
:,: Derao, derao, fa mendrika
Ilay nanavotra anareo :,:

4 Avia ry olom-bery ô !
Izay mandre ny teny soa
Hoe : « Manatòna Ahy izao »
Anio ny Tompo mba fidio ;
:,: Ny fitiavany valio ;
Ny fiderany koa hirao :,:

17 - Haja sy voninahitra

(Maintimolaly)
1 Haja sy voninahitra
Omena an’Andriamanitra,
Fa Izy ihany no mahefa
:,: Izay sitrakin’ny fony :,:

2 Masina, tsy azo haratsina,
Mahery, tsy azo resena ;
Marina, tsy azo laingaina ;
:,: Hendry, tsy azo fitahina :,:

3 Ny am-po toy ny am-bava;
Ny maizina toy ny mazava
Ny takona toy ny miseho ;
:,: Tsy misy àry tsy hitany :,:

4 Tsy miova ny fombany ;
Lehibe ka tsy oharina ;
Tia, tsy azo arovana ;
:,: Miantra, tsy azo ferana :,:

5 Saotra amam-bavaka atao
Dera sy laza ho Azy ;
Izy no ivavahana
:,: Fa anton’izao tontolo
izao :,:

18 - Ny feonay rehetra izao

1 Ny feonay rehetra izao
Dia entinay midera Anao,
Ry Andriananaharinay !
Na ambany aza izahay,
:,: Dia tianao :,:
Ry Andriananaharinay !

2 Ny andronay rehetra izao
Dia entinay manoa Anao,
Ry Tompo sy Mpanjakanay !
Satria izao dia fantatray
:,: Fa tianao :,:
Ry Tompo sy Mpanjakanay !

3 Ny hevitray rehetra izao
Dia enti-mankalaza Anao,
Ry Tompo Mpanasoa anay !
Mpitahy ny fanahinay,
:,: Fa tianao :,:
Ry Tompo Mpanasoa anay !

4 Ny herinay rehetra izao
Dia iasanay ho Anao,
Ry Aronay sy Tanjakay !
Miezaka tokoa izahay,
:,: Fa tianao :,:
Ry Aronay sy Tanjakay !

3 Rehefa alainao izahay,
Ka tapitra ny andronay,
Hamantana any Aminao
Izahay arý an-danitrao,
:,: Fa tianao :,:
Hamantana any Aminao.

19 - Misaotra Anao zahay izao

1 Misaotra Anao izahay izao,
Jehovah Ray !
Fa efa notohizanao
Ny andronay,
Ka tonga atý an-tranonao
Indray izahay.

2 Misaotra Anao izahay izao,
Ry Mpanome !
Ny soa avy Aminao
Tsy lany re,
Fa isan-andro misy izao
Ka maro be.

3 Misaotra Anao ‘zahay izao,
Ry Rainay soa !
Ny helokay navelanao
Nefa iza moa
No mahalaza izay natao ?
Fa be tokoa.

4 Misaotra Anao ‘zahay izao,
Ry mora fo !
Ny mafy tsy sakananao
Fa mba hanjo,
Fa be ny fanirianao
Anay hadio.

5 Misaotra Anao ‘zahay izao,
Ry Tomponay !
Ao aminao an-danitrao
Honenanay,
Fa misy fitsaharana ao
Mandrakizay.

20 - Tsaroanay tokoa izao

1 Tsaroanay tokoa izao
Ny soa be noraisainay
Tsy tapaka avy taminao
Ry Andriananaharinay !

2 Ny lasa itodihana
Dia mampiseho avokao
Ny tanam-pitiavana
Miahy sady manasoa.

3 He ! koa ity andronay ity,
Izay diavinay izao,
Dia voahodidina erý
Ny fitahiana aminao !

4 Dia tokinay tokoa izao
Fa mbola ho arovanao
Anio, ampitso, rahatrizay,
Izay miankina Aminao.

5 Ka dia mba velomy re
Atý anatinay ny fo
Hahay misaotra Anao anie
Ry Rainay be famindram-po !

31 - Misaotra Anao, izahay ry Ray

1 Misaotra Anao izahay, ry Ray,
Fa sitrakao homena ho anay
Ny Zanakao malalanao ;
Ilay tokanao no he natolotrao.
Atolotray ny saotranay,
O ! Raisonao anie Jehovah
Ray.

2 Misaotra Anao, Jesosinay,
Ny fitiavanao tsarovanay :
Nalatsakao ny rànao soa
Hanavotra aina ny
mpanota voa ;
Atolotray ny saotranay
Ka raisonao e, ry Jesosinay.

3 Misaotra Anao, Fanahy koa,
Mamelona sy monina
ao am-po.
Havaozy ao anaty ao
Ho tonga lapanao madio
sy vao
Atolotray ny saotranay
Ka raiso, ry Fanahy tokinay.

32 - Misaotra Anao Izahay

1 Misaotra Anao izahay
Jehovah Tompo ô !
Fa efa naharay
Ny soa taminao.
Ka lalandava no
Isaoranay Anao
Ho eo am-bavanay tokoa
Ny teninao.
2 Fa reharehanay
Sy famonjena koa
Ny Tompo tia anay,
Tsy manam-paharoa.
Ny fandresena soa,
Ny fiononam-po
Dia avy taminao,
Ka hery manavao.
3 Ny olo-mino Anao
Sy ireo mpanomponao
Na velona na maty,
Dia misaotra Anao.
Ka sambatra tokoa
Fa manana Anao
Izahay, ry reharehan’
Ny Fanahy ô !

33 - Tompo ô, tsy takatray

1 Tompo ô, tsy takatray
Ny hasoan’ny antranao ;
Zava-mahagaga anay
Ny fitiavanao.
He, mpanota izahay,
Nefa hasoavinao ;
Avotr’aina azonay,
Misaotra no atao.

2 Tompo ô, Mpanjakanay,
Fatratra ny herinao :
Ts’isy zavatra izay
Mahasakana Anao !
Nefa mora fo Hianao
Fa mandefitra aminay,
Koa dia misaotra Anao
Fa afaka izahay.

3 Tompo Andriamanitray,
Avy izahay izao :
Raiso ny fiainanay ;
Anao, ka anjakao.
Tompo ô, tsy takatray
Ny hasoan’ny antranao ;
Zava-mahagaga anay
Ny fitiavanao.

34 - Tompo ô, Tsitoha

1 Tompo ô, Tsitoha
Zanaharinay,
Asan-tànanao re
Izao rehetra izao.
Mahagaga indrindra
Ny fahaizanao
Entinao mitondra
Sy miasa ao.

2 Hianao, Jehovah
Ao mandrakizay
Na miovaova
Izao rehetra izao.
Mahagaga indrindra
Ny fitiavanao
Tsy mba mety miova
Ny mandao anay.

3 Ray niandohana
fony fahizay ;
Mbola hiafarana
koa rahatrizay.
Raiso moramora
re ny Zanakao.
Raha tonga ny ora
hiantsoanao.

35 - Isaoranay, ry Ray

1 Isaoranay, ry Ray,
Ny fitiavanao ;
Fa indro azonay
:,: Ny taombaovao :,:
Ry Tompo ô, ambeno,
Izao fifaliana izao
Ka aoka re ho feno
Ny hasoavanao.

2 Ny taona vao lasa
Nipaoka olon-tsoa
Ireny mba nikasa
:,: Mba ho tafita koa :,:
Ny fitondràna anefa
Afeninao, ry Ray !
Ka nony miantefa
Vao sina izahay.

3 Fanahy ô, avia
Hitari-dàlana e !
Mandroso izao ny dia
:,: Hamaky rano be :,:
Ny herinao tsy lefy
No tanjaky ny fo
Ka ampy mba ho fefy,
Raha avy ny manjo.

4 Itoero, Jeso tia
Ny sambonay re !
Na tony na maria,
:,: ‘Ty ranomasim-be :,:
Raha Hianao no hita
Tsy fefika izahay
Ambara-piampita
Arý an-tratran-dRay.

36 - Moa ho haiko tantaraina ny hasoavanao

1 Moa ho haiko tantaraina
Ny hasoavanao ?
Mifamatra tamin’aina
Ny fitiavanao.
Ny vahoaka sesehena.
Izay nahazo famonjena
No hidera Ilay Mpamonjy soa.
Jeso no derao, Jeso no derao :
Izay nataony ambarao :
Jeso no derao.

2 Hoderaina lalandava
Ny Anaranao,
Fa ny aizina nisava
Eo imasonao :
Na tsy tian’ny sasany aza
Ny Anaranao malaza,
Izaho kosa hankalaza Azy re.
Jeso no derao, Jeso no derao :
Izay nataony ambarao :
Jeso no derao.

JESOSY KRISTY TOMPO
1. NY FIHAVIANY SY NY FIVERENANY

37 - Mihainoa ry Ziona, ô!

1 Mihainoa, ry Ziona ô !
Avy ny Mpanjakanao !
Re hatrany lavitra
Fa hobin’ny olona.
Mifalia hianao
Indro Izy, ka tsenao !

2 Indro Ilay miakatra
Mila tsy ho fantatra
Ho Mpanjaka marina,
Fa mietry lalina ;
Izy no Mpanjakanao,
Ry Ziona ka derao !

3 Mandrosoa, Tompo ô !
Mba hanjaka amiko !
Faly re ny olonao
Raha tonga Hianao,
O, hosana, Tomponay !
Ry Ilay nandrasanay !

38 - He, hosana!

He, hosana !
Isaorana anie ny Mesia,
Izay nalefan’ny Tompo,
Ka hosana no asandratray ;
:,: Ilay nirahinao, ry Tompo :,:
:,: No derainay :,:
:,: Ka hosana
no asandratray :,:

39 - Faingàna, ry Mpanjaka!

1 Faingàna, ry Mpanjaka !
Handray ny lovanao ;
Faingàna re mba haka
Ny tany ho Anao ;
Avia hampifaly
Ny malahelo fo ;
Afaho ny mijaly
Sy azon’ny manjo.

2 Avia, fa misento
Atý ny olonao ;
Ny fanjakana ento,
Fa Tompo Hianao.
Tsy hisy hitomany
Eo anatrehanao.
Hiadana ny tany
Izay alehanao.

3 Ny tendrombohitra avo,
Ny lohasaha koa,
Ho tonga ravoravo
Sy tretrika avokoa ;
Ny be tsy haka an-kery,
Ny kely afa-po ;
Tsy hisy izay ho very
Tsy hisy izay hanjo.

4 Mpanjaka sy Mpiaro
Mahery Hianao ;
Ny firenena maro
Hitoky Aminao ;
Ho avy lalandava
Izao rehetra izao
Hitondra harem-bevava
Ho eo an-tongotrao.

5 Faingàna, ry Mpamonjy,
Ry Tompo be fitia ,
Ny olonao tra-bonjy
Miantso hoe : Avia !
Anao ny fiderana,
Anao ny laza be,
Anao ny fanjakana
Sy arahaba e !

40 - Tonga ny fahazavan'i Ziona

1 Tonga ny fahazavan’i Ziona,
Ravo ny tany izay maizina teo
Tapitra koa ny andro misaona,
Ary ny tany miadana izao.

2 Tonga ny fahazavan’i Ziona,
Efa nandrasana izay ela izay,
Izao dia tapitra ny
fanompoana,
Ka ampodina ny babo indray.

3 He misy rano izay miboiboika
Any an-efitra maina sy lao,
Feno ny hobiny ny lohasaha,
Manakoako ny hira vaovao.

4 Indro ny tany sy nosy rehetra
Dia mankalaza ny Tompo
izao,
Ny fanjakany dia tsy
manam-petra,
Miravoravo ny tany vaovao.

61 - Tany Betlehema fahiny

1 Tany Betlehema fahiny
Nisy Zaza teraka ;
Tonga toy ny mpivahiny,
Nefa tena Zanaka,
Izy no Jesosinay,
Ka mba raiso ho anao !

2 Ao ny lapa feno haja
Nisy Azy fahizay ;
Saotra, dera aman-daza
Teo anatrehan-dRay,
Izany no nilaozany
Hamonjena ny atý.

3 Zaza tsy nanota izy,
Nefa Zaza toa anao ;
Koa raisinao rankizy,
Mba ho tena havanao ;
Ary mba arahonao
Izay fanaony hitanao !

4 Raha hianao tomany,
Izy hampangina anao,
Izy koa hampahamamy
Izay fifalianao ;
Matokia Hianao,
Izy no Sakaizanao !

5 Nefa mba henoy, ry zaza !
Ao an-danitra Izy izao,
Fa ho avy indray hitsara
An’izao tontolo izao ;
Koa mba fidionao
Izy ho Mpamonjinao !

62 - He, teraka any Betlehema

1 He, teraka any Betlehema,
Ao Betlehema,
Ny Tompon’i Jerosalema.
:,: Haleloia ! :,:

2 Ny vilona :,: nandriany :,:
Nihoby ny anjeliny.
:,: Haleloia ! :,:

3 Ny magy dia :,: nanatitra :,:
Ny miora sy ny hanitra
:,: Haleloia ! :,:

4 Voaisotra :,: ny helokao :,:
Fa tonga ny Mpanavotrao.
:,: Haleloia ! :,:

5 Isika dia :,: noraisiny :,:
Hiombon-dova aminy.
:,: Haleloia ! :,:

6 Isika koa :,: hianatra :,:
Ny fideran’ny lanitra.
:,: Haleloia ! :,:

7 Isika ao :,: an-danitra :,:
Ho velona finaritra.
:,: Haleloia ! :,:

8 Ho naman’ny :,: anjelinao :,:
Izahay, ry Jeso Tompo ô !
:,: Haleloia ! :,:

9 Hidera ny :,: Anaranao :,:
Manatrika ny tavanao.
:,: Haleloia ! :,:

63 - Tany finaritra

1 Tany finaritra,
Tarafin-danitra,
Ity tanin’ny mpivahiny ity
Ka fihobiana
No andehanana
Mankany Paradisa arý.

2 Andro mihelina
Ilay sasakalina,
Nefa tsarovan’ny olona
Satria ny lanitra
Tsy lefy hanitra ;
Mamelon-kira velona.

3 Anjely marobe
No indray mihira hoe :
« O ! mifalia ry reraka !
Fa fiadanana
No andehanana ;
Kristy Mpamonjy teraka ! »

64 - Injany, hiran-danitra

1 Injany hiran-danitra
Misasak’alina ;
Lokanga volamena e,
Tendren’ny masina !
Ny tany dia nangina re,
Nandre ny hira vao :
Ho an’ny olona anie
Ny fiadanana.

2 Ny hiran’ny anjely re
Tsy mba mitsahatra.
Ary ambony rahona
Ireo masina
Mitendry ny lokangany
Am-pihobiana !
Ho an’ny olona anie 
Ny fiadanana !

3 O ! ry mivesatra entana,
Ry malahelo ô !
Mba andrandrao ny lanitra,
Henoy ny hira vao !
Ny hiran’ny anjely re
Dia mampiadam-po.
O ! mitsahara hianao
Hihaino azy izao !

4 Ny andron’olombelona,
He fandalovana !
Kanefa hisy tany vao
Izay haharitra.
Endrey ny fiadanana
Arý rahatrizay !
Ny hiran’ny anjely
Hiredona indray !

65 - Ry Betlehema kely ô!

1 Ry Betlehema kely ô !
Sondrian-tory ve ?
Kanefa injay miseho ao
Ny hazavana be.
Ny toky sy ny tahotra
Mihaona ankehitrio,
Fa Kristy Ilay Mpanavotra
No teraka anio.

2 Ry kintana maraina ô !
Fitarik’andro soa.
Torio fa tonga aty izao
Ilay Mpanjaka soa !
Ka he ! ny voninahitra
Ho an’Andriamanitra !
Fiadanana tsy tapitra
Ho an’ny olona.

3 Endrey, mangina fatratra
Ny fampidinana
Ny fitahian-danitra
Am-po ny olona !
Tsy misy tabataba re,
Fa horakoraka.
Kanefa Kristy tonga anie
Am-po mangoraka !

4 Rankizy hendry sy madio
Tsarovy Kristy izao
Fa izy tonga atý anio,
Mba ho Mpamonjinao.
Na misy aza ny manjo.
Izao Noely izao
No saino fatratra ao am-po
Hampionona anao !

5 Ry Zaza Masina sy soa,
Ry Zanak’i Maria,
Ry Tomponay, Mpamonjy
koa,
Midina re atý.
Ny feon’ny lanitra no re,
Indray Noely izay,
Nitondra teny soa hoe :
Hianao no avotray !

66 - Ry olona ô, avia!

1 Ry olona ô, avia !
Ry tany, mifalia !
Mba henoy ny teninay ;
Teraka ny Tomponay ;
Ao an-tranon’omby ao,
Handeha, mitsaoka Azy izao
Teraka ny Tompo !
Teraka Jeso !

2 Ry olona ô, avia !
Ry tany mifalia !
Mba henoy, ry havanay !
Misy zaza hitanay
Zanak’Andriamanitra
Hamoha indray ny lanitra.
Teraka ny Tompo !
Teraka Jeso !

3 Ry kristiana ô, hobio,
Fa afaka hianao anio;
Resy izao ny rafinao,
Afaka ota hianao,
Fahasoavan-dehibe
No ho anjaranao anie ;
Teraka ny Tompo !
Teraka Jeso.

67 - Avia, ry mino!

1 Avia ry mino !
Hifaly sy hihoby,
Avia, avia hankany
Betlehema :
Teraka Jeso,
Tompon’ny anjely ;
Avia hitsaoka Azy (in-3)
Izay Tomponao !

2 Tompon’ny tompo,
Andriananahary,
Nefa mba zana-behivavy koa ;
Zanak’i Maria,
Nefa Zanahary ;
Avia hitsaoka Azy (in-3)
Izay Tomponao !

3 Derao, ry anjely,
Mihobia mafy,
Ry mponina an-danitra ao
Ambony ao !
Dera sy laza
Atolory Azy ;
Avia hitsaoka Azy (in-3)
Izay Tomponao !

4 He, arahaba,
Tonga aty an-tany
Ny Tompo, Mpamonjy sy
Mpanjaka koa,
Tenin’ny Rainy
Voatafy nofo,
Avia hitsaoka Azy (in-3)
Izay Tomponao !

68 - Re tokoa ny feon'anjely

1 Re tokoa ny feon’anjely,
Irak’Andriamanitra ;
He, ny teny mahafaly
Avy ao an-danitra.
Entiny ny teny tsara,
Ho ety an-tany izao ;
Voninahitra aman-dera,
Tompo, no omena Anao !
(in-3)
Voninahitra aman-dera,
Tompo no omena Anao !

2 Teraka any Betlehema
Ilay Mpanjaka manan-jo
Ka misatro-diadema,
Voninahi-tsy ho lo,
Misy ‘zao ety an-tany
Fihavanana tokoa,
Hafalian-tsy holany
Fitahia-mahasoa. (in-3)
Hafalian-tsy ho lany,
Fitahia-mahasoa.

3 Be ny lazanao, ry Tompo !
Tsara ny Anaranao,
Zovy re no tsy hanompo ?
Iza no handà Anao ?
Hasina sy arahaba
No aterina aminao ;
Fanjakana tsy ho rava,
Ry Mpanjaka ! no Anao (in-3)
Fanjakana tsy ho rava
Ry Mpanjaka ! no Anao.

69 - Zaza Masina sy soa

1 Zaza masina sy soa,
Nefa ory Hianao,
Ka nanetry tena koa
Sy nandao ny lapanao.

2 Teraka ory sy nahantra,
Trano tsy nandrianao,
Fa tsy nisy izay niantra,
Be ny fahorianao.

3 Fihinanam-bilon’omby
No natao fandrianao,
Fa ny trano be tsy omby,
Nisy olo-maro tao.

4 Nofonosin-damban-jaza,
Tonga zazabodo re,
Nefa Tompo manan-daza
Sy Mpanjaka lehibe.

5 Efa halan’olo-maro,
Nefa kosa tiako ;
Dia avia, ry Mpamonjy !
Honina ato amiko.

70 - Iza moa io Zazakely

1 Iza moa io Zazakely
:,: Ao Betlehema :,:
Ankalazain’ny anjely
Misasaka alim-be ?
Injao ! Mihira avokoa
Ry mponina ao an-danitra,
Ka iza re io zaza soa ?
Moa zanak’Andriamanitra
Io no Mpanjaka voatendry,
Sady mahery no hendry
Zanak’Andriamanitsika,
Koa hobio sy ifalio !

2 Izy no Jeso Mpanjaka,
:,: Ka mihobia ! :,:
Izy mamory sy maka,
Avia, mihobia !
Omeo voninahitra,
Ka mitehafa tanana ;
Hobio ry tendrombohitra
Sy lohasaha mavana !
Io no Mpanjaka ..sns.

3 Izy no Tompo nahary,
:,: Ka maneke ! :,:
Zanaky ny Zanahary,
Ka dia maneke !
Ry hazo ao an-ala ô !
Samia re manandra-peo ;
Ry voninkazo tsara ô !
Atero fofo-manitra !
Io no Mpanjaka ..sns.

4 Efitra sy tany foana !
:,: O ! mihirà ! :,:
Lemaka ary havoana !
Falia, mihirà ;
Ry ranomasin-dehibe,
Ry voronkely tsara feo,
Izao rehetra marobe,
Avia mankalaza re !
Io Mpanjaka ..sns.

71 - Mihainoa! Mihainoa!

1 Mihainoa ! mihainoa !
Ny feon’anjely sambatra,
Milaza fa teraka
Ny zanak’Andriamanitra,
Mihainoa izao !

2 Mifalia ! mifalia !
Ry zanak’olombelona,
Fa tonga Ilay Mpanavotra
Antsika izay nifatotra ;
Mifalia izao !

3 Mba omeo ! mba omeo !
Ny fonao fa angatahiny,
Ny tenany natolony
Anao izay malalany
Mba omeo izao !

4 Matokia ! matokia !
Ka manaraha Azy izao ;
Ilay Mpamonjy be fitia
Nanetry tena ho anao ;
Matokia izao !

72 - Teraka Jesosy Tomponay

1 Teraka Jesosy Tomponay,
Taitra ny olona fahizay ;
Nisy anjely nihira teo.
Mahafinaritra, tsara feo,
Sady milaza soa aminay ;
Dia hihira anio izahay :
Taona fahasambaranay,
Volana fifalianay
Andro firavoravoana Anao,
Jesosy, Zanaka Masina ô !

2 Teraka Jesosy be fitia,
Indro ny kintana tonga teo,
Avy hanoro ny Zaza soa ;
Faly ny Magy, fa Io tokoa,
Io no Mpanjaka mandrakizay,
Dia nanaja androtr’izay.
Taona fahasambaranay ..sns.

3 Teraka Jesosy Zaza soa,
Zaza Malalan’ny Ray tokoa ;
Tonga hamonjy io Zaza io
Teraka ao Betlehema anio
Ento ’zahay, Fanahy, hankao ;
Andronay mahafaly izao ;
Taona fahasambaranay ..sns.

4 Sambatra manana Anao ho
Ray,
Faly sy ravo tokoa izahay,
Jesosy Tompo nirahinao,
Tonga ho nofo ny Zanakao ;
Teraka ho Mpanavotra anay
Avy hifaly eto ‘zahay ;
Taona fahasambaranay ..sns.

73 - Indro Zazakely zanak'i Maria

1 Indro Zazakely,
Zanak’i Maria,
Tompon’ny anjely,
Nefa nankatý.
Io no Zazalahy,
Zanaky ny Ray,
Tonga mba hitahy ;
Izy no anay.
Mihirà ry tany,
Sy ny mponina eo !
Hafalian-tsy lany,
Manandrata feo !
Jeso no deraina,
Fa Mpanjaka soa,
He, ny fanjakany
Lehibe tokoa.

2 Zaza nantenaina
Fony elabe,
Sady Tompon’aina
Manan-kery be.
Mihirà ry tany !
Eny, mifalia ;
Hoy ny mpaminany :
Izy no Mesia !
Mihirà, ry tany, ..sns.

3 Jeso Zaza hendry,
Masina sy to,
Tompo voatendry
Mpanadio ny fo,
Aoka mba hijery
‘Zao tontolo izao.
Zaza manan-kery,
Indro mba hajao !
Mihirà, ry tany, ..sns.

74 - Tany Betlehema fahiny

1 Tany Betlehema fahiny,
Tao an-tranon’omby re,
Nisy Zazakely soa,
Tampofoan-dreniny,
Jeso Kristy Zaza io,
Zanak’i Maria madio.

2 Nahafoy ny Rainy Izy
Sy nandao ny lanitra,
Tsy nandà ny trano ratsy,
Nefa Andriamanitra ;
Toe-pahantrana re
An’ny Tompo lehibe.

3 Fony Izy mbola Zaza
Dia nanaiky sy nanoa,
Ary tia reny Izy
Sy nanetry tena koa
Zaza kristiana e !
Manaraha Azy re !

4 Ka ho hitantsika Izy
Noho ny fitiavany ;
Fa ‘Lay Zazakely tsara
No mba Tompon-danitra.
Ka isika zanany
Dia hankany aminy.

5 Nefa tsy mba tranon’omby
Itoerany izao,
Fa nankao an-danitra Izy
Sy mitafy laza ao ;
Ka ho sambatra any koa
Tahaka Azy ny zaza soa.

75 - Andro malaza sady soa tokoa

1 Andro malaza sady soa tokoa
‘Lay andro ‘zay nisehoan’i
Jeso ;
‘Zay nantenain’ny mpaminany
koa,
Mba hampiseho fihavanana !
Mifalia sy mihobia mafy,
Efa tonga ny Mpanavotrao ;
Avia ka miderà ;
Derao io Zaza io ;
Hobio, hobio, fa
Tompontsika io !

2 Anjely maro no nihoby tao ;
Mpiandry ondry nitsaoka azy
koa.
Ny olon-kendry koa nanasina
Azy,
Andeha mba hankalaza Azy
izao :
Mifalia ..sns.

3 Dera sy haja no atolotray
Anao, ry Jeso ‘zay teraka
anio !
Ka mba mandraisa ny
fanatitray,
Ho zava-manipofona tokoa !
Mifalia ..sns.

76 - Miderà anio, ry mino

1 Miderà anio, ry mino,
Ny Mpanavotra anareo !
Manandrata feo hidera
An’i Kristy, Tompo soa ;
Zanaky ny vehivavy,
Nefa Andriananahary ;
Teraka ho olona,
Mba hanavotra anareo ;
Teraka any Betlehema
‘Lay Mpanavotra anareo !

2 Taitra ny mpiandry ondry,
Ary koa nivadi-po,
Tamin’ny anjely maro
Tonga tany aminy.
Fa isika tsy ho taitra,
Fa ho faly sy ho ravo ;
Sitraky ny Tompo soa
Nidina nankatý ;
Teraka any Betlehema
Jeso Kristy ,Tompo soa !

3 Aza taitra, matokia,
Manatòna, mihainoa,
Mazotoa, ka avia,
Maneke ny Tompo soa,
Arahaba, Tomponay ô !
Tompom-pihavananay,
Teraka ho Tomponay ;
Tompon’ny fiainanay ;
Arahaba, Tomponay !
Ry Mpanavo-dehibe !

77 - Tonga indray re ny Noely

1 Tonga indray re ny Noely,
Andro tsara sady soa ;
Jeso Tompon’ny anjely,
Nefa nietry tena koa.
Indro tonga Zazakely,
Ho sakaizanay tokoa,
Sy hamory ‘zay miely,
Hody amin-dRainy koa !

2 He, ny fonay ravoravo,
Ry Noely maminay,
Fa ny Zanaky ny Avo,
No nomeny ho anay,
Mba hanarina ny lavo,
Sady ho fiainanay ;
Feno sy mitafotafo
‘Zany hasambaranay !

3 O ! ry androm-pamonjena,
Arahaba, hianao !
Olo-maro sesehena
No mifaly aminao,
Avy koa mba hitsena
‘Lay Mpamonjy soa ’zahay,
Ka ny fonay no homena
An’i Kristy Havanay !

78 - Be ny voninahitrao Jeso Kristy Tompo

1 Be ny voninahitrao,
Jeso Kristy Tompo !
Lanitra nonenanao,
Maro no nanompo,
Be ny mahasambatra,
Faly re ny fonao ;
Nanam-boninahitra
Tao an-dapan-dRainao.

2 Fa ny voninahitra
Efa nialanao ;
Ny haren’ny lanitra
Tsy mba nojerenao,
Teraka ho olona
Hianao nahery,
Ka avy mba hanavotra
Ny mpanota very.

3 Eny, tonga Hianao
Honina amin-tany,
Hahazoan ‘ny olonao
Soa tsy ho lany.
Sarotra ny lalanao,
Be ny zava-mafy,
Loza no nanjo Anao,
Maro no nandrafy.

4 Saotra no aterinay,
Vavaka aman-dera,
Ravo ny fanahinay,
Ka avy mba hihira,
Vitanao ny asanao
Namonjenao aina,
Ka indro ny Anaranao
Velona ao an-tsaina !

79 - Sambasamba Zanahary

(Maintimolaly)
Sambasamba, Zanahary
Tamy ny nampidinanao
Ny Zanakao, malalanao,
Mba hisolo ny helokay.
:,: Tamy ny nampidinanao
Ny Zanakao malalanao,
Mba hisolo ny helokay :,:

80 - He ny hoby ao an-danitra

1 He, ny hoby ao an-danitra,
Fa Mpamonjy re no teraka,
Io no Zanak’Andriamanitra,
‘Lay Tanteraka.
Mifalia, mihobia,
Fa tonga ho anao ny Tompo
tia
Ka mba hirao sy lazao
Ny famonjena azonao !

2 Zava-mahagaga fatratra
Ny fitiavan’Andriamanitra,
Ny mpanota tafasaraka
Tonga sambatra !
Mifalia, ..sns.

3 O ! ry tany izay asandratra,
Ka vangian’ny Tompon-
danitra,
Inona ary no atolotra
Ny Mpanavotra ?
Mifalia, ..sns.

81 - Tao an-tsahan'i Betlehema

1 Tao an-tsahan’i Betlehema,
‘Reo mpiandry ny ondry re,
No vangian’ny Serafima
Sy anjely maro be.
Voninahitra ho an’
Andriamanitra,
Ho an’Andriamanitra !
Voninahitra ho an’
Andriamanitra ,
Amin’ny avo !

2 ‘Njany ny hiran’ny anjely,
‘Zay niredona tokoa
Indro tonga Imanoely
Zaza masina sy soa.
Voninahitra, ..sns.

3 Nofo notafin’ny Teny,
Lanitra nilaozany ;
‘Ndao isika izao hankany,
Be tokoa ny lazany.
Voninahitra, ..sns.

4 Voninahitra ao ambony
Ho an’Andriamanitra,
Ka ny hira no redony
Solon-java-manitra.
Voninahitra, ..sns.

82 - He, Zaza mahasambatra

1 He, Zaza mahasambatra
No omena ho antsika !
Virjina no niteraka
Ilay Andriantsika
Izay Zanak’Andriamanitra.

2 Nandao ny voninahitra
Hanavotra ny very ;
Ka saotra no aterinay,
Ry Jeso Kristy Tomponay,
Mpamonjy manan-kery !

3. NY FIAINANY

83 - Ry Jeso ô! Hianao no mahavonjy

1 Ry Jeso ô ! Hianao no
mahavonjy
Izay rehetra hiankina aminao ;
Tonga tatý hitady sy hamonjy
Izay mpanota very Hianao.
He ! ry mpanota very atý !
Ô ! mankanesa ho any aminy.

2 Na dia Zana-Janahary aza,
Na dia Tompo aza Hianao,
Tsy mba nitandro hery
aman-daza,
Tonga olona ory Hianao
He ! ry mpanota ..sns.

3 Tamin’ny dianao nanaovan-
tsoa,
Tsy nahalala sasatra Hianao ;
Fa Hianao tsy nanana tokoa
‘Zay nametrahanao ny lohanao
He ! ry mpanota ..sns.

4 Dia nolatsaina sy nalam-
baraka
Sy novonoin’olon-dozabe,
Ka dia maty Hianao Mpanjaka
Ho fanavotana olo-maro-be
He ! ry mpanota ..sns.

5 Ny fasanao nambenan’ny
mahery,
Nefa tsy ela tao ny
Tomponay,
Velona indray hamonjy
olom-bery,
Velon-kanao fifonan-ko anay.
He ! ry mpanota ..sns.

84 - He ! Be ny hasoavana

(Maintimolaly)
1 He ! be ny hasoavana,
Fa tonga ny fotoana,
Ka Kristy Tompo teraka
Hamonjy sy hanavotra.

2 Ny fahotan’ny olona
Dia lova tamin-drazana :
Isika trany avokoa,
Ka very re ny aina soa.

3 Inty ny zaza masina e,
Izay neken’ny Rainy hoe :
“Ny Zanako Malalako,
‘Zay mamiko sy sitrakao”

4 Ny dera eran-danitra
Omeo an’Andriamanitra
‘Zay nahafoy ny Zanany
Hanavotra ny olony.

85 - Avelao isika izay te ho tia

(Maintimolaly)
1 Avelao isika
Izay te ho tia
Ny Mpanavotra antsika
Hanaraka Azy.

2 Aoka ho fantatsika
Ny fitiavany
Sy ny anton’ny asany
Hiderantsika azy.

3 Be ny fiantrany,
Nijery ny ory,
Tratran-dRainy nialany
Ho teraka olona.

4 Be ny fiantrany,
Nijaly ka maty
Hamonjeny ny mpanota,
Ka Izy hisaorana.

86 - Jereo ny Mpamonjy, izay miakatra

1 Jereo ny Mpamonjy
Izay miakatra
Ho ao Jerosalema
Hanao ny avotra ;
Na dia be ny ratsy
Mikendry Azy ao,
Ny mba hamonjy azy
No tiany hatao.

2 Tsy biby manan-daza
No nitaingenany
Tsy ny hitady laza
No nihaviany,
Kanefa manan-kery
Handresy ho anao.
Ny ratrany irery
No aina ho anao.

3 Ilay voasatro-tsilo
Noho ny helokao
Dia mety sy maniry
Mba ho Mpanjakanao
Ny rany sarobidy
Omeny ho anao;
Ny lanitra nihidy
Misokatra aminao.

4 Ampio mba ho haiko
Hatolotra Anao,
Jesosy ô ny aiko
Ho voninahitrao ;
Velariko ny foko
Eo anoloanao,
Tsy misy tsy ho foiko
Mba hodiovinao.

5 Hosana ! ry Mpamonjy,
Hiraiko ho Anao
Fa mamin’ny tra-bonjy
Ny fiderana Anao.
Hosana, Tompo tsara !
Soava dia izao !
Handresy ny devoly
No anton-dianao.

87 - Nitomany ny Mpamonjy

1 Nitomany ny Mpamonjy
Fa tsy nety ho tra-bonjy
Israely olony.

2 Izy dia nanambara
Taminy ny teny tsara
Feno fitiavana.

3 Ka ny jamba, kilemaina
Moana sy very saina,
Dia nositraniny.

4 He ! ny soa efa vita
Nefa nody tsy nahita
Ny ankamaroany.

5 Ary lotika ny fony,
Koa halany ‘lay ony
Feno rano velona.

6 Ry Mpamonjiko malala !
Aoka aho hahalala
Ny fitomanianao.

7 Ary hahalala koa
Fa ny soa mahavoa
Raha tsy ho raisina.

4. NY FIJALIANY
– NY FAHAFATESANY

88 - 'Lay ora tao Getsemane

1 ‘Lay ora tao Getsemane
Tsaroako tsara izao,
Fa Tompo tia sy lehibe
No ory loatra tao :
Tsaroako ‘zao Getsemane,
‘Zay niaretanao,
Tsy haiko hadinoina re
‘Lay fahoriana tao.

2 Ny mpianatrao malalanao
Natory avokoa ;
Nafoin’izao rehetra izao
Jesosy Tompo soa.
Tsaroako ‘zao ..sns.

3 Nanjary ra ny dinitrao
Noho ny helokay ;
Fadiranovana Hianao
Nisolo voina anay.
Tsaroako ‘zao ..sns.

4 Soraty ao am-poko re,
Ho sary velona ao,
Ny sarin’i Getsemane
‘Zay niaretanao.
Tsaroako ‘zao ..sns.

88 (2)
1 Ilay ora tao Getsemane
Tsy mba hadino re,
Raha Hianao no tsembo-dra,
Ry Tompon’avotra
:,: Tsahiviko :,:
Ny fahorianao,
Raha tsinjoko ny ady be,
Ilay tao Getsemane.

2 Nafoin-dRay irery tao,
Nilaozan-kavanao
Handraisana anay indray
Ho zanaky ny Ray.
:,: Tsahiviko ..sns :,:

3 Nandroso mba hijaly tao,
Ry Tompo, Hianao ;
Fadiranovana sy may
Hanavotra anay.
:,: Tsahiviko ..sns :,:

4 Fa vinitra Jehovah Ray
Noho ny ditranay ;
Ninianay nolavina
Ny didy masina.
:,: Tsahiviko ..sns :,:

5 Ka Hianao nasiana
Ho solo-voina ;
Ny dinitrao, ry Tomponay,
Dia valin’otanay.
:,: Tsahiviko ..sns :,:

6 Fa sitrakao ho afaka
Ny olo-meloka;
Endrey ny fitiavanao
Anay navotanao !
:,: Tsahiviko ..sns :,:

7 Raha mila hangatsia-po
Izaho, Tompo ô,
Mba ampisaino aho re
Ny tao Getsemane !
:,: Tsahiviko ..sns :,:

89 - He mijaly ny Mpamonjy

1 He, mijaly ny Mpamonjy
Ao Getsemane izao !
O, ry te-ho voavonjy,
Manaraha Azy ao ;
Indro ny Mpanavotrao,
Fa mitady ho anao.

2 Ory ao ny Tompon’aina
Mafy re ny adiny
Ka misento mitaraina,
Toy ny ra ny dininy.
Ry mpanota mijere,
Mihevera ka hendre !

3 Indro tonga ny anjely,
Mba hampahatanjaka
An’i Jeso, Izay nijaly
Amim-panaintainana.
Ry Mpamonjy tia ô !
Mamindrà fo amiko.

90 - Tsy haiko ny milaza re

1 Tsy haiko ny milaza re,
‘Lay fahorianao
Irery tao Getsemane
Ry Tompo masina ô !
Tarihonao ny saiko e
Ho ao Getsemane.
Hahita ny fitiavanao
Izao tontolo ‘zao.
Fitiavana ahy re,
Ry Tompo masina ô !
No niaretanao
Izao mangidy ‘zao !

2 Nangorohoro mafy re,
Ny fonao, Jeso tia !
Ny tsembokao’zay nitete,
Nanjary toy ny ra !
Endrey, ny fahorianao
Nangotraka tokoa !
Tsy maintsy nosotroinao
Ilay kapoaka tao !
Fitiavana ahy ..sns.

3 Ho ahy re, ho ahy re,
No niaretanao
Irery tao Getsemane
Jeso malala ô !
Sintoninao ny foko ê
Ho ao Getsemane.
Hahita izay niaretanao.
Ho tena tia Anao !
Fitiavana ahy ..sns.

91 - O! Fitiavan-dalina

(Maintimolaly)
1 O, fitiavan-dalina,
Nasehonao ilay alina
Izay namadihana Anao,
Ry Jeso, fototr’aim-baovao.

2 Mangoraka erý ny fo,
Sy ory ny fanahiko ,
Raha mba tsaroako izao
Ny loza izay nanjo Anao.

3 Fadiranovana Hianao,
Nangotraka ny adinao;
Ny dinitrao nanjary ra
Noho ny fahoriana.

4 Izany niaretanao
Noho ny fitiavanao,
Ka nentinao ny heloko,
Izay tokony ho nentiko.

5 Namita fanekem-baovao
Ho famonjena Hianao ,
Nasianao kase izay
Maharitra mandrakizay.

6 Misaotra Anao ry Tompo ô !
Fa ravo ny fanahiko
Handray ny fanomezanao
Eo amin’ny latabatrao.

7 Ny teninao inoako,
Ka raisiko ho ao am-po ;
Ny zava tsoa atolotrao
Dia ranao sy ny tenanao.

8 Ry Jeso, amboaronao
Ny fonay ho fonenanao,
Ka Hianao ho tianay
Izao sy ho mandrakizay.

92 - Ry voasatro-tsilo, ry voakapoka

1 Ry voasatro-tsilo,
Ry voakapoka !
Indrisy be ny loza
Manafotra Anao !
Nitsaohan’ny anjely
Fahiny Hianao.
Fa henatra sy latsa
Anjaranao izao.

2 Atolotro, ry Jeso,
Ny foko ho Anao,
Hiaraka hitondra
Ny fahorianao.
Raha henatra sy loza
No ho anjarako,
Dia Hianao Mpamonjy,
No ifaliako.

3 Tsarovy aho, Tompo,
Raha tratry ny manjo !
Tsy mendrika aho, nefa
Mba amindraonao fo !
Ny ratranao no misy
Fanasitranana.
Ny ranao ahitana
Ny fiadanana.

93 - Nampalahelo mafy re

1 Nampalahelo mafy re
Ny fahorian-dehibe
‘Zay niaretanao.
Nalaim-baraka Hianao,
Niaritra ka tsy nandao
‘Lay asa masinao.

2 Ny henatra aman-tahotra
Mangeja anay voavotra,
Fa diso izahay.
Avia, Tompo , mamonje
Meteza izao ka maneke
Hanavotra indray.

3 Ampio ny olonao, Jeso
Hahay handray Anao am-po
Fa mila vonjy izao.
Monena hanatanjaka
Ny ory sy ny reraka,
Izay manantena Anao.

94 - Golgota no jereo

1 Gologota no jereo,
Ao ny hazo fijaliana;
Indro re, mihantona eo
Jeso, sady harabiana.
Moa mba fantatrao, ry fo,
Ny fitiavan’i Jesosy,
‘Zay nandefitra tokoa,
Ary koa ninia ho resy ?

2 Famonjena ho anao
No netezany hihafy,
Ka hijaly toa izao
Sy hiharitra ny mafy.
He, ny rany nitete
Vokatry ny fanomboana;
Vetivety foana re
Dia ho faty ao ny Tompo.

3 Mitsangana, miaingà,
Ndeha mankany Gologota ;
Ao no latsaka ny ra
Hamonjena ny mpanota ;
Io no hany mahadio,
Antoka tsy hay ravàna
Eny, samy afak’io
‘Zay rehetra fahotàna !

95 - Ny hazo nijalianao ry Jeso Tomponay

1 Ny hazo nijalianao,
Ry Jeso Tomponay !
Maneho ny fitianao.
Dia iankinanay, (in-3) | *
Maneho ny fitiavanao. |

2 Mitazana ny masonay,
Mangoraka ny fo ;
Na meloka aza izahay.
Ny teninao ho to. (in-3) | *
Na meloka aza izahay. |

3 Ny avotr’aina vitanao
No itokianay ;
Ny entanay voaesotrao.
Ka afaka izahay. (in-3) | *
Ny entanay voaesotrao. |

4 Ny hazo nihomboanao
Dia voninahitray;
Ny nanalam-baraka Anao
No isandratanay ! (in-3) | *
Ny nanalam-baraka Anao. |

*) Ho an’ny feony (1) ihany

96 - Ilay havoana natao hoe: Kalvary

1 Ilay havoana
Natao hoe Kalvary,
No tany namonoana,
Ny Tompo Jesosy;
O ! tsarovy re !
Maty ory tao
Jeso Tompo lehibe
Hanavotra anao.

2 Jereo ny Tomponao,
Tazanonao irý,
Ka andrandrao ny masonao,
Fa io no Kalvary !
O ! tsarovy re ! ..sns.

3 Hevero Kalvary,
Fa tao ny Tomponao ;
Tsarovinao ny nentiny
Mba hamonjena anao!
O ! tsarovy re ! ..sns.

4 Tsinjovy Kalvary,
Fa Jeso Tomponao,
Nijaly tany raha tetý,
Ka maty Izy tao !
O ! tsarovy re ! ..sns.

97 - 'Lay fonao tia tao Gologota

1 ‘Lay fonao tia tao Gologota
No velona ao an-tsaiko izao.
Ny fonao ‘zay mitady
mpanota,
No voaratra indrindra tao.
Ry fo malala, nihafy loatra,
Lavitra ny mpangoraka Anao.

2 Indro ny lefona koa mamely
Ka notrobarana Hianao!
He ! malahelo ireo anjely,
Fa naharary re ny fonao !
Io no fitia tsy misy toa azy,
Zaran’izao rehetra izao.

3 Efa hisoka ny antoandro,
Menatra izao tontolo izao ;
Tsy ela intsony dia maizina
andro
Kalvary ‘zay nihantonanao !
Fa izaho tsy mba hangataka
andro
Hampiantrano ny tenanao.

4 Tsy sasatra na valaka koa,
Ny fonao tia, ry Tompo ô ;
Menatra izao ity foko tsy soa.
Tsy hahavaly tokoa Anao ;
Nefa ampio aho hanaiky,
Hanatontosa ‘zay sitrakao.

98 - Indro ny Tompo Jesosy, jereo

1 Indro ny Tompo Jesosy,
jereo,
Tena nihafy tokoa !
He ! fa nivesatra eso, jereo,
Mba hamonjena anao !
Indro Jeso, jereo Jeso.
Izy izao dia mihevitra anao,
Indro Jeso, jereo !

2 Indro ny Tompo Jesosy,
jereo,
Efa voahombo tokoa !
He ! fa nijaly tsy meloka teo,
Mba hamonjena anao !
Indro Jeso, ..sns.

3 Indry ny lefo-mandoza
jereo,
Nenti-namely ny Tompo !
He ! fa ny rany nirotsaka teo,
Mba hamonjena anao !
Indro Jeso, ..sns.

99 - Ry fitiavan'i Jesosy

1 Ry fitiavan’i Jesosy !
‘Zay voahombo ho anay,
Ony be sy mahavonjy,
Aoka ho lasanao ‘zahay !
Tompo, Zanakondry tsara,
Ampy re ilay ranao,
Tsy helohin’ny Mpitsara
‘Zay mpanota afakao.

2 Fa misento ny fanahy,
‘Zay etý an-tany ‘zao ;
Malahelo sy manahy,
Sao ho voan’izay natao.
Tompo, Zanakondry ..sns.

3 Ny mpanota dia ho very,
Raha tsy mba miova izao.
Fa hahazo tena hery,
Raha mino tsara Anao !
Tompo, Zanakondry ..sns.

4 Enga anie ka mba hiely
Ho an’izao tontolo izao
Ilehy Ony mahafaly,
Manadio sy manavao !
Tompo, Zanakondry ..sns.

100 - Moa mba efa nisy va fahoriana toy izao?

1 Moa mba efa misy va
Fahoriana toy izao !
Jeso ‘Lay Mpanisy soa,
Tompo sy Mpanjaka koa
Entina tsy meloka,
Entina any Kalvary ?

2 He, ny lanivoany
Voatsindron-defona !
Tongotra aman-tanany
Voafantsika avokoa,
Eny, fa ny ainy koa,
Foiny tany Kalvary.

3 Mafy ‘zay ry Jeso ô !
Mafy nefa zakanao,
Ny fitiavanao anay !
No niaretanao izay
Menatra aho, Jeso ô
Raha hadino Kalvary.

4 Taomy aho Jeso ô !
Mba ho any Kalvary,
Ka ny foko tsy madio
Mba diovinao anio !
Ento aho, Jeso ô !
Ento any Kalvary.

101 - Ny hazo fijaliana

1 Ny hazo fijaliana,
Ry Jeso Tomponay,
Dia tena fitoriana
Fa tianao ’zahay.

2 Ny hazo fijaliana
Dia manambara izao
Fa be ny fahoriana
Nihatra taminao.

3 Ny hazo fijaliana
No mampiseho koa
Fa tokony hariana
Ny ota mahavoa.

4 Isaoranay dia isaoranay
Hianao, ry Tomponay,
Fa be ny fitiavana
Nataonao taminay.

102 - Reharehako ny hazo

1 Reharehako ny hazo
Nijalian’i Kristy ;
Manda fiarovana avo
Ialofako atý.

2 Azon-doza maro aho
Tery koa ny làlana ;
Tsy ilaozan’i Jesosy
Mpanome fiadanana.

3 Raha lany re ny andro
Mampiadana indray,
Tsy hadinoko ny hazo
Nentin’ny Mpamonjinay.

4 Ny anjara atý an-tany
Tsy mba mahavesatra
Noho ny hazo fijalianao
Hazo mahasambatra.
Amen !

103 - Ny hazo fijaliana

1 Ny hazo-fijaliana
Tsy maintsy hotsarovana ;
Henoy, ry fanahiko,
Ny tenin’ny Mpamonjinao !

Vakiteny 1
2 Ny teny voalohany
Mihevitra ny rafiny :
« Mba mamelà ny helony,
Fa jamba ny fanahiny ! »

3 Izaho koa Jeso ô !
Dia jamba sady ratsy fo ;
Ka mba jereo sy iantrao,
Fa te ho tonga olonao.

Vakiteny 2
4 Ilay meloka tanilany
Naniry mba ho raisiny,
Nomeny toky tsara io :
« Ho any Paradisa anio ! »

5 Raha avy ny anjarako,
Ka tapitra ny androko,
Mba raiso aho Tompo ô,
Ho any Paradisanao !

Vakiteny 3
6 Dia hitany ny reniny
Tomany teo akaikiny,
Toy ny tsindronin-defona
Ka feno fisentoana.

7 Dia Jaona no natolony
Ho zanany ho solony :
« Mba raisonao, ry Jaona ô
Ho reninao ny reniko ! »

8 Tsarovy aho, Tompo ô !
Raha ao am-pahoriako,
Iraho ny mpianatrao
Hanampy ny mpanomponao !

Vakiteny 4
9 Ny teniny fahefatra
No tena mampangovitra ;
Niantso Izy, hoe : « Ry Ray,
Nahoana Aho no afoy ? »

10 Izao no dia nandaozana
Anao tam-pahoriana ;
Hahafaka ny tahotro,
Raha tonga ny fotoako.

Vakiteny 5
11 Ny otako izay nentiny
Nahory ny fanahiny,
Ka nitarainany hoe :
« Mangetaheta Aho re ! »

12 Mangidy, ry Jesosy ô,
Ny loza niaretanao,
Ka aoka mba ho mamiko
Ny avotra, izay vitanao !

Vakiteny 6
13 Hoy Izy indray :
« Tanteraka ! »
He ! teny mahasambatra.
Tanteraka ny asany,
Voavotra ny olony.

Vakiteny 7
14 Ny teny farany indray
Nilaza ny rahatrizay :
« Atolotro ny aiko izao,
Ry Ray, ho eo an-tànanao ! »

15 Izany dia mamiko
Hiorina ao anatiko,
Ka teny hotononiko
Eo amim-pahafatesako !

104 - Raha mijery ny hazo

(Maintimolaly)
1 Raha mijery ny hazo
Nijalian’i Jesosy,
Tsy misy izay malaza
Na izay mirehareha.

2 Aza miavonavona,
Fa indro ny Mpanavotra ;
Ny dian’i Jesosy Kristy
No arahina isan-andro.

3 Indro ! ny rany mandeha,
Voahombo ny tànany,
Nijaly, ka dia maty
Nisolo olo-meloka.

4 Raha ahy ‘zao tany izao
Sy ny aminy rehetra,
Tsy ho azoko havaly
Ny fitiavan’i Jeso.

5 Ny foko omeko Azy,
Fanahiko hatolotro ;
Tsy mba mendrika Azy ‘zany
Fa Jeso no mety mandray.

105 - Tsinjovy ilay havoana

1 Tsinjovy ilay havoana
Arý Jerosalema,
Fa io Golgota !
Mba tadidio ange !
Fa tao, nivesatra ny ota
Ny Tompo Masina
Nijaly sy nolavina
Ka novonoina !

2 Tsy takatra heverina
Ny entan-dehibe,
Izay nentin’ny Mpisolo
Ka mba diniho re !
Fa nentiny daholo
Ny heloka natao
Fa tonga Izy hanavao
Izao tontolo izao

3 Ny helotsika koa izao
Dia nivesarany,
Ka manaraha Azy,
Mba ho mpianany !
Raha tao Golgota Izy,
Ny rany nitete,
Ka vita ho antsika re
Ny vonjy lehibe !

106 - Indro ny fitiavana nijaly

1 Indro, ny Fitiavana nijaly
Teo amin’ny hazo-fijaliana ;
Ary ny ratsy nivonona hifaly,
Handresy ny Zanaka-lahy
Tokana.

2 Indro, ny Fitiavana mahery,
Nitondra ny heloky ny olony ;
Izy niady hanafaka ny very,
Ny ainy no avotra ka natolony.

3 Izy nijaly mafy tao Golgota,
Voahombo ny tongotra
aman-tanany ;
Izy nisolo antsika izay
mpanota
Ka fadiranovana ny fanahiny.

4 O, ry Mpamonjy, mba hazony
aho
Hijery ny hazo-fijaliana !
Olona meloka aho ka afaho,
Hialoka amin’ny fitiavanao !

107 - Maniry mafy aho

1 Maniry mafy aho ry Jeso
Tompo ô,
Hialoka eo ambany hazo-
fijalianao ;
Tsy misy toeran-kafa re izay
tena mamiko,
Ny hazo-fijalianao no
fiarovako.

2 Ny hazo-fijalianao no
itazanako
Ny tenanao Izay nijaly mba
ho avotro ;
Ka dia kotsan-dranomasom-
pitiavana
Ny tavako, ry Tompo ô, fa
afa-keloka !

3 Am-pototry ny hazo izay
nijalianao
No itoerako hohazavain’ny
tavanao ;
Ataoko fatiantoka ny zava-
mora lo,
Ny hazo-fijalianao no
tombon-dahiko !

108 - Ny hazo fijalianao

1 Ny hazo-fijalianao,
Ry Jeso Tompo maminay,
Dia an’izao tontolo izao
Ka famonjena ho anay.

2 Mivelatra eo ka hitanay
Izany fitiavana ;
Ka ampianaro izahay
Ho be fitia toa Anao !

3 He ! latsaka eo ho avotray
Ny ranao masina sy soa ;
Ka mba sasao re izahay
Ho olonao madio tokoa !

4 Voatolotra eo mba ho anay
Ny famonjena vitanao ;
Ka mba tariho izahay
Handray ny fahasoavanao.

5 Mamiratra eo ka tazanay
Ny lanitra fonenanao ;
Ka mba tantano izahay
Ho mendrika ho mponina ao !

6 Ndrey, tena mahafinaritra
Ny miara-monina aminao ;
Ka ampio izahay hiaritra
Ny hazo-fijalianao.

109 - Nahafoy ny aiko Aho

1 Nahafoy ny aiko Aho,
Hanavotako anao,
Ka nalatsako ny rako,
Nisoloako anao ;
He ! ny aiko no nomeko,
Ry mpanota very e !
Aiza izay afoinao re,
Mba ho Ahy Tomponao ?

2 Lapan-dRaiko ao ambony,
Voninahi-dehibe,
No nilaozako hamonjy
Sy hanafa-doza anao,
‘Zay voafitak’i Satana
Sy nozoin-doza be !
Aiza izay afoinao re,
Mba ho Ahy Tomponao ?

3 Soa be sy mahagaga
No atolotro anao ;
Famonjena tsy vidina,
Famelana otanao.
Fitiavan-tsy voafetra
Lova ao an-danitra ao !
Aiza izay afoinao re,
Mba ho Ahy Tomponao ?

4 Indro, Tompo ! fa omeko
Ho Anao ny tenako,
Ka tsy misy ‘zay tsy foiko
‘Zay rehetra tianao !
Eso, latsa, tsy ahoako
Fa ny ho mpanomponao
No ho zavatra kendreko,
Raiso re ny zanakao !

110 - Nomeko ho anao

1 Nomeko ho anao
Ny rako masina,
Hanavotra anao,
Izay tsy marina !
:,: Ka dia mba inona izao
No Ahy taminao ? :,:

2 Nafoiko ho anao
Ny zava-tsoa be,
Mba hanatonanao
Ny Raiko lehibe !
:,: Ka dia mba inona ..sns.

3 Izaho Tomponao
Nijaly mafy re,
Hanafaka anao,
Mpanota lehibe !
:,: Ka dia mba inona ..sns.

4 Ny vonjy lehibe
Nataoko ho anao,
Ny rako nitete
Handio ny otanao !
:,: Ka dia mba inona ..sns.

5 Jesosy Tompo ô !
Izao no teniko :
Atolotro Anao
Ny aiko sy ny fo !
:,: Izany no isaorako
Anao Mpamonjiko ! :,:

6 Ny foko raisonao,
Oneno hatretý,
Ataovy lapanao
Na eto na arý !
:,: Dia tano aho, Tompo ô,
Mba ho fanananao ! :,:

111 - Indro ny Mpamonjy

(Maintimolaly)
1 Indro ny Mpamonjy,
Mpanavotra antsika,
Izy no manontany hoe :
“ Tianao va Aho ? ”

2 Izaho no Mpamonjy
Sy mpisolo anao ;
Ny rako manontany hoe :
“ Tianao va Aho ? ”

3 Ny fitiavako
Tsy mety miova
Ka mba manontany hoe :
“ Tianao va Aho ? ”

4 Ry Jeso Tompoko !
Malahelo ‘zahay,
Ny fitiavanay Anao
Mbola tsy toy inona.

5 Aelezo ao am-po
Ny fitiavanao,
Hahazoanay hamaly :
“ Tianay Hianao ”

112 - Tsy ny hahazo zavatra

1 Tsy dia ny hahazo soa
Arý an-danitra
No itiavako Anao,
Ry Andriamanitra.

2 Tsy noho ny atahorako
Ny fijaliana,
Fa noho ny fitiavanao,
No itiavako.

3 Voahombo, voalefona,
Voalatsa Hianao ;
Nahinjitra ny tànanao
Tambony hazo teo.

4 Izaho no niaretanao
Ny fijaliana ;
Ny ranao nanavotana ahy
Izay fahavalonao.

5 Ka moa tsy fitiavana
Havaliko Anao ?
Ny foko no atolotro
Anao, ry Tompo ô !

6 Ry Jeso Kristy masina ô !
Deraiko Hianao,
Fa Hianao Mpanjakako
Sy Andriamanitro !

113 - Jeso, Zanahary!

1 Jeso, Zanahary !
Masina sy to,
Nanome ny ainao
Noho ny olonao.

2 Tsy niaro loza
Tamin-tenanao,
Fa mba tonga ory
Noho ny olonao.

3 Nentinao ny ratsy,
Soa nolavinao,
Lapa nialanao,
Noho ny olonao.

4 Jeso Tomponay ô !
Tompo masina,
Manomezà soa
Ny mpanomponao !

5 Mamelà ny ota,
Manovà ny fo,
Diovy ny maloto ;
Aoka ho olonao.

6 Tompo ô, Tsitoha
Vatolampinay !
Saotra aman-dera
Raiso ho Anao !

114 - Jeso no niala aina

1 Jeso no niala aina
Hanavotany anao,
:,: Iza re no tsy hanaiky
Azy izao ? :,:

2 Fa ny lapany ambony
Nialany fahizay,
:,: Hamonjeny olom-bery,
Very tokoa :,:

3 Fa izay manatona Azy,
Ka mibebaka ao am-po
:,: Tsy hariany akory,
Ka matokia ! :,:

4 Mba avia, ry havanay ô !
Maneke ny Tomponao,
:,: Maneke ny Tompon’aina
Ho Tomponao ! :,:

5 Iantrao, ry Tomponay ô !
Ny mialoka aminao,
:,: Raisonao ‘zahay mpanota
Ho olonao ! :,:

115 - Jeso Tompo lehibe

1 Jeso Tompo lehibe,
Iraky ny Rainy,
Nolatsain’ny maro be,
Tsy mba nohajainy !
Jeso tia, Jeso tia,
Maty voahombo ;
Maty tany Kalvary,
Maty re ny Tompo !

2 Ory loatra fahizay,
Zanak’ondry mora,
Maty mba ho solonay,
Sady voakora !
Jeso tia, ..sns.

3 Nalahelo, be nanjo,
Nefa tsy nanota,
Fa nijaly sitrapo
Tany Gologota !
Jeso tia, ..sns.

4 Jeso no Mpamonjy tia,
Nahafoy ny ainy,
Mba hamory ‘zay mania,
Hody amin-dRainy !
Jeso tia, ..sns.

116 - Miaingà, ry fo ny saina

1 Miaingà, ry fo sy saina,
Mba ho any Golgota,
Maty tao ny Tompon’aina,
Vita tao ny avotra.
Ry mahantra, ry mania,
Sady raiki-tahotra,
Ny Mpamonjy be fitia
Hahitanao avotra !

2 Fa ny ainao ry Mpamonjy,
Nisoloanao anay
Hahazoanay ny vonjy
Sy hahafa-trosa anay !
Vatofantsiky ny aiko,
Hianao, Mpamonjy ô !
Ravoravo izao ny saiko
Afakao ny heloko !

3 Ny manjo atý an-tany,
Tsy mba hatahorako,
Fa izaho dia ho any
Amin’ny Mpanavotro,
Tombon-dahiko tokoa
Ny fahafatesana,
Hahatrarako ny soa,
Dia ny fiainana !

117 - O, ry Zanak'ondry!

(Hiraina in-3 no fanao ity)
O, ry Zanakondry,
He ! Hianao nijaly ;
Ory, voahombo,
Anefa tsy namely ;
Ny helokay nalainao,
Ka maty re ny ainao.

1-2 Mba iantrao izahay, ry Jeso !
3 Ampiadanonao izahay re !

118 - Mba jereo ny zanakondry

1 Mba jereo ny Zanakondry
Voahombo sady ory,
Nefa Tompo masina.
He ! ny Rainay tsy namaly,
Raha ny Zanany nijaly
Tamim-panaintainana.

2 He ! ny Marina nijaly !
Mba hahaizako mifaly,
Izay no niaretany.
O ! ry foko, mangovita,
Manatòna mba hahita
Ny fahafatesany !

3 Eny, ry Mpamonjy tsara
Mba meteza hanambara
Ny harem-pitiavanao ;
Dia hafanao ny foko.
Mba hahaizako hanompo
Sy hanaraka Anao !

4 Aoka aho hitomany,
Raha mihevitra izany
Fahoriana nentinao.
Azoko ny famonjena ;
O ! ry foko, manenena
Noho ny ratsy vitanao !

5 Tompo, manampia ahy,
Mba harisika am-panahy,
Hanompoako Anao
Raha mbola atý an-tany
Aza afoy fa mba tohany
Tsy hisaraka aminao !

119 - Hianao ry Tompon'aiko

1 Hianao, ry Tompon’aiko,
Maty noho ny otako,
Tsy mba takatry ny saiko
Izany fijalianao
Nefa sitrakao nijaly
Hahazoako mifaly ;
Ry Jesosy, Hianao
No isaorako izao !

2 Safotry ny fandatsana
Hianao, Mpanavotra
Handovako fanjakana
Feno voninahitra.
Voaratra, voaeso,
Ary voasatro-tsilo
Noho ny hadisoako,
Koa dia isaorako !

3 Tianao izahay mpanota,
Helokay no nentinao ;
Resinao ny tambin’ota
Izahay nafahanao ;
Voaloanao ny trosa.
Izahay mpanota kosa,
Tonga olom-potsinao,
Ka derainay Hianao !

120 - Ry mino ô, avia re!

1 Ry mino ô, avia re !
Hiara-mankalaza
Ilay Mpanjaka lehibe,
Fa tena mahagaga
Sy sarobidy anie
Ny fahasoavan-dehibe
Nomeny ho antsika.

2 Tsy asa soa vitako
No tokiko anefa,
Fa ny Andriamanitro
No tsy nisalasala
Hanafaka ny otako,
Nomeny mba ho avotro
Ny Zanany malala !

3 Jesosy faly eram-po
Hamonjy ahy very,
Ka azoko ny indrafo.
Izay vitan’Izy irery
Izaho tena afa-po.
Tsy misy atahorako,
Izaho tsy ho very.

4 Jesosy Kristy Tompo ô !
Izaho ta-hamaly
Ny teny fiantsoanao :
« Mba manatòna Ahy !
Izaho dia ho anao,
Ho Ahy kosa hianao »
Ka manampia ahy.

5 Ny ranao soa nitete
No nanadio ahy
Ny ainao sarobidy re
No nanavotana ahy
Mba hitokiako anie
Ny famonjena lehibe
Natolotrao ho ahy.

6 Isaorana eram-po anie
Ny Tompo Zanahary,
Fa Izy efa nanome
Ny Zanany nijaly,
Ka ny devoly lozabe,
Ny ota sy ny heloka
Ho resy sy ho faty.

121 - Ry Jesosy, ampombay

1 Ry Jesosy, ampombay
Fiadanana maharo
Fo sy saina izahay,
Ka mba ampahafantaro,
Raha ny holatrao jerena,
Fa Anao ny fandresena !

2 Ry Mpandresy, ambarao
Aminay ny vokatr’ady :
Famonjena, aim-baovao
No andramany sahady :
Raha ny tafika miseho,
Fiadanam-po omeo !

122 - Hitako izao, sakaiza

1 Hitako izao, sakaiza,
Ny fahasambarana,
Ka ny foko faly, ravo,
Manam-piadanana.
Teo am-pototry ny hazo
Nijalian’ny Tompoko,
Teo aho no nahazo
Famelana heloka.

2 He ! ny indrafo niriko,
Efa azoko tokoa,
Ka Jesosy no fidiko,
Fa Izy fototry ny soa,
He ! ny rany sarobidy,
Nanadio ny otako
Izaho efa voavidy.
Lanitra no lovako.

3 Tena soa mahagaga
Izao nomenao ahy izao,
Fa izaho izay mpanota,
Dia nohavaninao ;
Ka izaho dia hidera
Izato fitiavanao
Ary koa hanambara,
Jeso ô ! ny herinao.

4 Ry Mpamonjy ô ! mba raiso
Izao fisaorako izao ;
Ka izay rehetra ahy
Dia atolotro Anao,
Raha tonga re ny fetra
Hialako sasatra,
Ento aho hitoetra,
Eo anilanao arý.

5. NY FITSANGANANY

123 - Velona Jesosy

1 Velona Jesosy,
Nitsangana tokoa ;
Ny kristiana marobe,
Mihoby sy mihira hoe !
:,: Dera ho Anao,
ry Mpandresy ! :,:

2 Velona Jesosy,
Ny helo dia resy,
Tanteraka ny avotra,
Ka afaka ny heloka !
:,: Dera ho Anao,
ry Mpandresy ! :,:

3 Velona Jesosy,
Ka velona isika,
Hiara-monina Aminy,
Hohazavain’ny tavany !
:,: Dera ho Anao,
ry Mpandresy ! :,:

124 - Nitsangana ny Tompo

Nitsangana ny Tompo,
Neken’ny Ray ny avotra,
Ka ravo ny mpanompo :
Misokatra ny lanitra !
Ilay Tompom-pandresena
Nandrava fasana,
Andriam-pamonjena,
Tolory hasina !
Jesosy no Mpanjaka
Am-boninahitra,
Hiarahako mizaka
Ny zon’ny lanitra !

125 - Indro, Jeso velona

1 Indro, Jeso velona,
Afaka ny olom-bery,
Rava re ny fasana,
Dia nivoaka Ilay Mahery ;
Ka ny horohorontany
Dia nahato izany !

2 Resinao ny rafinay,
Ry Jesosy manan-kery,
Ka mpandresy izahay,
Voavonjinao ny very,
Matinao ny helok’ota,
Velona izahay mpanota !

126 - Endrey izato fahasambarana

1 Endrey, izato fahasambarana :
Jesosy dia velona indray !
Ny foko mandre fitsaharana
Noho Izy natsangan’ny Ray,
Tsy any am-pasana intsony
Fa hitako velona koa
:,: Ilay Tompon’ny hery
ambony
Mamiratra sy manan-jo ! :,:

2 He, velona Izy ! Hafarany
Izaho izao hampandre
Ireo izay tia ny Anarany
Ny fampiononana be,
Anjely no mendri-kilaza ;
Izaho, mpanompo tsy soa,
:,: Nirahin’ny Tompo malaza,
Ka ravo sy tretrika koa ! :,:

3 Endrey, izato fahasambarana,
Fa velona mandrakizay
Ny Tompo Izay nifankazarana,
Ka faly ny foko indray !
Ny fasana izay nampisaona
No fampiononana koa,
:,: Fa tao izahay tafahaona
Ka ravo dia ravo ny fo ! :,:

127 - Tahaka ny masoandro miseho

1 Tahaka ny masoandro miseho
Toy ny heriny izay mahaleo,
Na dia takon’ny rahona tao ;
Tahaka izany Jesosy
Mpamonjy,
Izy nitsangana velona indray
Ry olombelona, izay voavonjy
Mba miderà Azy 
mandrakizay !

2 Saotra aman-dera sy laza sy
hery,
Aoka ho Azy hatramin’izao
Izay nanafaka ny olom-bery,
Indro ny fasana vaky sy lao.
Izy nanafaka ny vavahady :
Aiza, ry fahafatesana ô !
Aiza ny herinao sahy miady
Amin’ny mino sy amin’ny to ?

3 Jeso Mpamonjy ô ! mba
hasoavy
Ka mba arovy ny mino Anao,
Ka ny Fanahinao aoka ho avy,
Mba hanazava ny fonay izao ;
Ary tantano izahay tsy hania,
Fa Hianao no Mpiaro anay !
O ! ry Mpamonjy anay, mba
avia,
Ka mba vonjeo, fa miandry
izahay !

4 Jeso, izahay te-hisaotra tokoa
Noho ny soa nomenao anay ;
Teraka teto nitondra ny soa,
Dia ny fiainana mandrakizay
Saotra omenay Anao izay
nijaly,
Nefa natsangan’ny Rainao
indray ;
Rahatrizay izahay dia hifaly
Any an-danitra mandrakizay !

128 - Efa velona ny Tompo

1 Efa velona ny Tompo
Fa nitsangana tokoa ;
Resiny ny fahavalo
Ilay mpihaza aina soa ;
Velona ny Tomponao,
Resiny ny rafinao.

2 Matokia, ry mpanota,
An’i Jeso Avotrao,
Fa ny ota nahadiso
Afaka tokoa izao ;
Velona ny Tomponao,
Afany ny helokao.

3 Eny, fa nitsangana ela
Jeso Kristy Tomponao,
Ka mamoha vavahady
Any mba hidiranao,
Velona ny Tomponao,
Ka efa nialoha anao.

129 - Any naraina

1 Any naraina
:,: Ilay Avotr’aina :,:
Natsangan-dRay ;
Resy ny ota
:,: Ka ny mpanota :,:
Mihoby indray.
Any naraina, …sns.

2 Hira hiraina
:,: ny Tompon’aina :,:
Isaoranay ;
Ory ny fony
:,: mba hamitony :,:
Ny sentonay.
Hira hiraina, …sns.

3 Faly ny very
:,: tsy manan-kery :,:
Ny helokay ;
Jesosy Tompo
:,: dia mampanompo :,:
Ny rafinay.
Faly ny very, …sns.

4 Hisy maraina
:,: ny Tompon’aina :,:
Ho avy indray ;
Izy hizara
:,: ny lova tsara :,:
Homena anay.
Hisy maraina, …sns.

130 - Hobio, ry olombelona!

1 Hobio, ry olombelona !
Jesosy dia velona,
Ny fasana dia rava ;
Misokatra ny lanitra,
Dia resin’ny mazava.
Jeso Kristy
No deraina sy hajaina.
Fa Mpamonjy,
Tompon’aina mahavonjy.

2 He ! misy làlana indray
Ho ao an-danitra, izay
Miandry ao ambony ;
Fa vitan’ny Mpanavotra
Ny vonjy mahasambatra,
Ka sitraky ny fony
Handray izay
Mitomany, mba ho any
Amin-dRainy ;
Fa izany dia hainy !

131 - Tonga ny andro malaza

1 Tonga ny andro malaza,
izay mahafaly,
Indro nandresy Jesosy
Ilay vao nijaly ;
Velona indray Izy,
natsangan’ny Ray,
Aoka isika hifaly !

2 Efa nahery Jesosy,
ka resy Satana ;
Menatra mafy ireo
fahavalo nitana ;
Ka mba zahao :
rava ny fasana izao,
Rava, fa tsy nahatana !

3 Helo sy fahafatesana,
resy tokoa,
ary ny tambin’ny ota
dia efa naloa ;
Jeso, Izay maty ka
velona indray,
Tompon’ny aina tokoa !

4 Mba mihobia,
ry olona mino rehetra ;
An’i Jesosy ny hery
izay tsy voafetra ;
Izy nanao làlana tsara
vaovao
Resy ny ratsy rehetra.

5 Faly Isika fa manana
fanantenana,
Mbola hiantso Jesosy hoe :
« Mitsangàna ! »
Amin’izay, velona
mandrakizay
Ny nodimandry tra-bonjy.

132 - Indro fa velona

1 Indro, fa velona
Jesosy Tompon’aina !
Foana ny fasana
Resy izao Satana.
Iza indray no hitomany,
Raha nahare izany ?
Ry foko sasatra
Manahy fatratra,
Heveronao izao ;
Ho afaka ny sentonao !

2 Indro, fa velona
Jesosy Tompon’aina !
Izy nitsangana ;
Ravo ny fo sy saina.
Jeso Tompo nolatsaina
Tonga loharanon’aina,
Ry havana, andrandrao
Ny lanitra izao :
Jesosy velona,
Ka azo ny fiainana !

133 - Efa namangy ny olony

1 Efa namangy ny olony
Jeso, izay Tompon’ny aina
Lasa ny alina maizina,
:,: Tonga indray ny maraina :,:

2 Maty ny Tompo, nalevina
Nidina nita ny ony,
Nefa nitsangana velona
:,: Koa tsy maty intsony :,:

3 Ory ny fon’ny sakaizany,
Aiza Ilay nantenaina ?
Hitany nefa tsy fantany,
:,: Jeso, Izay 
Tompon’ny aina :,:

4 Teniny tsy mba mivadika
Amin’ny olona ory.
Tonga ny Tompo mitsidika
:,: Ireo mpianany vory :,:

5 Tonga ny taom-pamangiana,
Tondraka ny famonjena.
Velona ny fihobiana,
:,: Aina vaovao no nomena :,:

6 Teraka ny fifaliana,
Tonga ny Filazan-tsara,
Andron’ny fitomaniana
:,: Mody ho Pasaka tsara :,:

134 - Mifaly tokoa ny foko izao

1 Mifaly tokoa ny foko izao
Fa misy manambara
Ny Filazantsara,
:,: O, mba raisonao :,:

2 Nitsangana Jeso,
Haleloia re !
Henoy teny soa
Ka dia minoa
:,: Fa marina re ! :,:

3 He ! rava ny fasana, ka mijere,
Fa efa niala
Ny Tompo malala,
:,: Fa velona e ! :,:

4 Ny fahafatesana resy tokoa,
Ka tsy mba mijaly
Ny mino, fa faly
:,: Sy tretrika am-po :,:

5 Misaotra, midera Anao
izahay
Ry Jeso Mpamonjy,
:,: Ho mandrakizay :,:

6 Haleloia !
Tsara ny Pasaka e !
Ny Tompon’ny aina
Izao hoderaina,
:,: Haleloia re ! :,:

135 - Foana ny fasanao

1 Foana ny fasanao,
Jeso Tompon’aina ;
To tokoa ny teninao
Ka notontosaina.

2 Foana ny fasanao,
Tompo mana-kery,
Gaga teo ny rafinao,
Resy ‘lay Mahery !

3 Foana ny fasanao,
Fa efa novohana ;
Maito ny fatoranao,
Tsy mba nahatana !

4 Foana ny fasanao,
Zanaky ny Avo !
Aina no nasehonao,
Zava-maharavo !

136 - Ry Jeso Tompon'aina!

1 Ry Jeso, Tompon’aina !
Nalevina Hianao,
Kanefa he, deraina,
Fa velona ao izao !

2 Ny fasana nivoha
Noho ny herinao,
Fa tsy mba nahatoha
Ny voninahitrao !

3 Ireo miaramila
Nahery sy nahay
Dia tsy mba nahatana
Anao Mpanjakanay !

4 Nitsangana tokoa,
Ho tena santatray,
Hianao, ry Tompo soa
Sy Kapiteninay !

137 - Vita izao ny fandresena

1 Vita izao ny fandresena :
Haleloia, haleloia !
Azo koa ny famonjena :
Haleloia !
Resy re ny fasana
Sy ny fahafatesana
Fahavalo farany ;
Fa Jeso nitsangana
Tonga fanafahana :
Haleloia ! (in-3)

2 To izao izay nambara :
Haleloia ! haleloia !
Fa ny fototra nivaha
Haleloia !
Foana ny fasana,
Jeso re nitsangana
Tamin-kery lehibe,
Ka torio ry mino e !
Eran-tany, mba ho re :
Haleloia ! (in-3)

3 Dia venteso ny hosana :
Haleloia ! haleloia !
Aoka tsy hihambahamba
Haleloia !
Fa efa velona tokoa
Ilay Mpamonjy
tsy mba roa,
‘Zay nisolo voina anao ;
Izy no nisantatra
Ny fiainan-tsambatra :
Haleloia ! (in-3)

138 - Ty no andro maharavo

1 ‘Ty ny andro maharavo,
Ora fifalianay ;
‘Lay Mpanarina ny lavo
No niady ho anay.
Haleloia !
Ho Anao Mpanjakanay.

2 Azonao ny fandresena,
Ry Mpamonjy velona !
Vitanao ny famonjena.
Tafantsagana Hianao.
Haleloia !
Ho Anao Mpanjakanay.

3 Resinao ny fahotana ;
Voavoha ny fasanao
Torotoro re Satana ;
Afaka ny olonao.
Haleloia !
Ho Anao Mpanjakanay.

4 Ry Mpandresy
fandozana !
Raisonao ny hajanay
Ry Mpamonjy,
mitantàna,
Tano ho Anao ‘zahay !
Haleloia !
Ho Anao Mpanjakanay.

139 - He! Vita re ny ady izao!

1 Haleloia ! haleloia !
Haleloia !
He ! vita re ny ady izao !
Ny ota efa resy re,
Ny feo mifaly no atao,
Haleloia !

2 Fahafatesana no tao
Fa Kristy naharesy izao,
Ny fandreseny no derao,
Haleloia !

3 Ny andro nijaliana e !
Nisolo fifaliam-be,
Ka mihirà izay mandre :
Haleloia !

4 Ny gadra voatapany,
Ny efitra efa ravany ;
Ka miderà ny heriny
Haleloia !

5 Ry Tompo ô ! ny fiainanao,
Mamelona ny olonao,
Ka hoderaina Hianao :
Haleloia !

140 - Haleloia, Haleloia!

1 Haleloia ! haleloia !
Miderà ny Tomponao,
Manandratra feo hidera
An’i Jeso Kristy ‘zao
Fa nijaly mafy Izy,
Nefa indro velona Izy
Ao an-danitra tokoa !

2 Eny, velona ny Tompo,
Mba ho santatsika koa
Ka ho velona ny mino
Sy hitsangana tokoa ;
Dia handray ny lova soa
Satro-bolamena koa,
Ka hidera ny Mpamonjy
Sy ho sambatra avokoa.

3 Haleloia ! haleloia !
Haja, hery, saotra anie
No hatolotra ny Tompo,
‘Zay Mpandresy lehibe,
Hoderaina lalandava
Fa Mpanjaka manan-jo,
Haleloia ! haleloia !
Hoderaina eram-po !

141 - Efa resy izao na dia ny fasana aza

1 Efa resy izao na dia ny fasana
aza
Ka asandrato re ny hira sy ny
feo
Jesosy nampikoy ‘lay rafy 
‘zay nandoza,
“Ry fahafatesana ô ! aiza
moa ny herinao ?”

2 Lasa ilay tahotrao, ry foko
‘zay malemy
Fa torotoro ‘zao ny
fahavalonao,
Tsy nahatohitra ny sandrin’i
Jesosy
“Ry fahafatesana ô ! aiza
moa ny herinao ?”

3 Efa lasa tokoa ny ozona
rehetra,
Nasehon’i Jeso miharihary
izao,
Ny fitiavany izay tsy misy
fetra !
“Ry fahafatesana ô ! aiza
moa ny herinao ?”

4 Kristy no santatra : ny làlana
mankany
Ho ao an-tranon-dRay,
mivoha tsara izao,
Ny fifaliana manerana ny
tany !
“Ry fahafatesana ô ! aiza
moa ny herinao ?”

5 Kristy no fiainana : izay
matahotra Azy
Omeny tanjaka, fanahy, fo
vaovao,
Ka atony velona, Mpandresy
tahaka Azy.
“Ry fahafatesana ô ! aiza
moa ny herinao ?”

142 - Tafatsangana tokoa

1 Tafatsangana tokoa,
Haleloia !
Jeso Kristy Tomposoa,
Haleloia !
Maty nefa velona
Haleloia ! 
Mihirà, ry olona,
Haleloia !

2 Foana ny fasana,
Haleloia !
Indro, Jeso velona,
Haleloia !
Toky tsy mamitaka,
Haleloia ! 
Mihirà, ry olona,
Haleloia !

3 Andro lehibe tokoa,
Haleloia !
Andro fihobiana,
Haleloia !
Afaka ny tahotra,
Haleloia ! 
Mihirà, ry olona,
Haleloia !

4 Haja, laza, aterinay
Haleloia !
Jeso ô, Mpanjakanay,
Haleloia !
Raiso re ny saotranay,
Haleloia ! 
Raiso koa ny tenanay
Haleloia !

143 - Vita izao ny fandresena

1 Vita izao ny fandresena,
Haleloia !
Jeso Kristy no hobiana,
Haleloia !
Azo re famonjena,
Haleloia ! 
Verinay tarý Edena
Haleloia !

2 Ka izao dia arahabaina,
Haleloia !
‘Lay Mpanjakanay
hajaina,
Haleloia !
Ka na zovy mitaraina
Haleloia ! 
Misy vonjy azo maina
Haleloia !

3 Betlehema niandohana,
Haleloia !
Kalvary niafarana,
Haleloia !
Fasana tsy nahatana,
Haleloia !
Toro teo ‘lay menarana
Haleloia !

4 Saro-bidy re ny rany !
Haleloia !
Ny fitiavany tsy lany
Haleloia !
Ny fatoranay vahany,
Haleloia ! 
Ka hobionareo, ry tany
Haleloia !

144 - O! Avia mba hidera

1 O ! avia, mba hidera,
Andro jobily anio ;
Ka faingàna, manatera
Saotra, laza, ka hobio
Indro, tonga ny anjely
Ka ny vato mikodia !
Tantaraina mba hiely :
Velona (in-3)
Ny Tomponao !

2 Ifalio ny famonjena,
Andro jobily anio ;
Afaka ny firenena,
Voavonjy androtr’io
Gaga teo ny mpanakora
Sy ny rafy marobe
Ka miaiky moramora :
Velona (in-3)
Ny Tomponao !

3 Mba venteso re ny hira
Andro jobily anio ;
Resy ny mpaniratsira
Ka ny tahotrao ario
He ! ny fasana efa foana
Tsy nahazona Azy tao
Tsy naharitra hateloana
Velona (in-3)
Ny Tomponao !

4 Efa resy ‘zao Satana
Andro jobily anio ;
Ny fatoranao vahana
Ka hobio sy ifalio !
‘Lay Mpamonjy nolatsaina
Velona ho avotrao,
Io no mendrika
hoderaina
Velona (in-3)
Ny Tomponao !

145 - Efa velona tokoa

1 Efa velona tokoa
Hianao, ry Tomponay !
Ka ny herinao tsy toha
No manjaka hatrizay ;
Fa ny fasana, ny ota
Noresenao avokoa.
Tantaraina mba hiely :
:,: ‘Zay no tokinay mpanota
Tanjakay sy hery koa :,:

2 Efa velona tokoa
Hianao, ry Tomponay !
Lasa nanamboatra koa
Fitoerana ho anay :
Tany tsy mba misy ota
Tsy hidiran’ny manjo ;
:,: Tany soa sy madio
Maharavoravo fo :,:

3 Efa velona tokoa
Hianao, ry Tomponay !
Ka misolo vava koa
Sy mifona ho anay ;
Ny Fanahinao omena,
Mba hitari-dalana
He ! ny sentonay dia renao,
Jeso tena Havana.

4 Efa velona tokoa
Hianao, ry Tomponay !
Ary mbola ho avy koa,
Avy mba handray anay
Maminay, ry Tompo tsara ;
Hiara-monina Aminao
Eny, tena manan-jara
‘Zay mby eo akaikinao.

146 - Anao ny dera, ry Zanaky ny Ray

(Hira Paska)
1 Anao ny dera,
ry Zanaky ny Ray ;
Anao ny fandresena,
Ry Mpanjakanay
Ny fasana nivoha,
Noho ny herinao
Ny Anaranao Tsitoha
Tsy voatana tao.
Anao ny dera,
ry Zanaky ny Ray
Anao ny fandresena,
Ry Mpanjakanay !

2 Hianao nandresy,
lao re ny fasana ;
Ny fanjakan’ny ota koa
ho lasana
Ny herin’i Satana,
vato nikodia,
Ny Anaranao nandresy
Haharitra doria,
Anao ny dera,
ry Zanaky ny Ray
Anao ny fandresena,
Ry Mpanjakanay !

3 He, ravo aho :
Izy no santatra ;
Izaho koa hifoha,
Mba ho sambatra ;
Ny fandresen’i Jeso,
Lovako tokoa ;
Ny Anarany Tsitoha
Hanangana ahy koa.
Anao ny dera,
ry Zanaky ny Ray
Anao ny fandresena,
Ry Mpanjakanay !

6. NY FIAKARANY

147 - Lasa ny Mpanavotsika

1 Lasa ny Mpanavotsika
Ao an-danitra arý,
Mba hanoman-trano tsara,
Hitoerantsika ao.
:,: Mifalia :,:
Ho tafiditra ao tokoa !

2 Lasa ny Mpisorontsika,
Ao an-danitra arý,
Ho Mpisolovava koa,
Ho an’olo-marobe.
:,: Matokia :,:
Tsy ho very hianao.

3 Lasa ny Mpanjakantsika
Ao an-danitra arý,
Mba handray ny fanjakana
Mety ho anjarany.
:,: Mihobia :,:
Asandrato re ny feo.

148 - Ry varavaran-danitra ô!

1 Ry varavaran-danitra ô !
Ampandrosoy ny Tomponao,
Fa fandresena lehibe
No efa vitany tatý

2 Moa iza izao Mpanjaka
izao ?
Mpandresy iza re izao ?
Ny lazany manerana
Ny tany sy ny lanitra.

3 Io no Kristy Mpamonjy soa
Nisolo olo-meloka,
Ka satro-boninahitra
No mendrika ny lohany.

4 Anjaranao, ry foko ô !
Hanompo sy hanaraka
‘Lay Kapiteny lehibe
Nialoha ao an-danitra ao !

5 Ry Kristy ô ! Mpanavotray !
Irinay mba ho hita koa
Izany voninahitrao
Sy ny fiandriananao !

6 Raha tapitra ny andronay,
Vohay ny varavaranao,
Ny trano namboarinao
Honenanay mandrakizay.

149 - Efa lasa Jeso Tompo

1 Efa lasa Jeso Tompo,
Hanamboatra izao
Fitoera-mahafaly
Iza re no tsy hankao ?
Fa ao ankoatr’i Jordana,
Ao an-danitra ao ambony,
Misy fitsaharan-tsara
Ho an’ny madio.

2 Tany tsy idiran’ota,
Tany masina sy soa,
Ka izay rehetra hankany
Dia ho masina avokoa !
Fa ao ..sns.

3 Fa izay matoky tena,
Ny tsy mety mino koa,
Tsy havelany hankany,
Fa ho laviny tokoa !
Fa ao ..sns.

4 Ny mandao ny fomba ratsy,
Ny mahazo fo vaovao,
Ny navotan’i Jesosy,
Dia izy no hankao !
Fa ao ..sns.

5 Ry mpanota saiky very !
Mibebaha re anio ;
Maniria hovonjena,
Ka ny fahotana ario !
Fa ao ..sns.

150 - He! Tsara ny fonenanao

1 He ! tsara ny fonenanao,
Andriamanitra ô !
Ziona tendrombohitrao,
Tanàna masina ;
Ka iza no hiakatra ao ?
Izay mahitsy fo,
Izay madio tànana,
Izay manao ny to,
Ka mino ny Mpanavotra,
Ireo hiakatra ao !

2 Mba misandrata faingana,
Ry varavarana !
Hidiran’ny Mpanjakanay
Be voninahitra.
Moa iza izao Mpanjaka izao ?
Andriamanitra
Mahery sy mandresy koa,
Mpanjaka masina ;
He, Izy ‘Lay Mpanjakanay
Be voninahitra.

3 Miantranoa, Tompo ô !
Mba hifalianay ;
Voavoatra ny tranonao,
Midira aminay !
Jehovah no Mpanjakanay,
Mpanjaka tianay :
Ny hery, voninahitra,
Sy ny fisaorana,
Anao tokoa, ry Tomponay,
Mandrakizay doria !

151 - Miakara, miakara

1 Miakara, miakara,
Ry Mpanjaka lehibe !
Vitanao ny famonjena
‘Zay nalehanao tatý,
Mihobia, ry anjely !
Ka derao ny Tomponao,
Voninahitra sy haja
Atolory Azy izao !

2 Miakara, miakara,
Ry Mpandresy lehibe !
Eso, latsa, fahoriana
No anjaranao tatý ;
‘Zao ny lanitra miandry,
Miandry hiverenanao ;
Renao ao ny feo manako,
Feno fanajana Anao.

3 Miakara, ry Mpamonjy !
Ravo ny navotanao ;
Izahy atý an-tany,
Faly te-hidera Anao ;
Raisonao ny fiderana
‘Zay atolotray izao ;
Haleloia ! Haleloia !
Ho Anao Mpanavotray !

152 - Niakatra ao an-danitra

1 Niakatra ao :,: an-danitra :,:
Ny Zanak’Andriamanitra,
:,: Haleloia ! :,:

2 Ka monina ao :,: an-danitra :,:
Jesosy Tompon-danitra,
:,: Haleloia ! :,:

3 Izao zavatra :,: rehetra izao :,:
Ry Jeso ô, hazoninao,
:,: Haleloia ! :,:

4 Isaoranay :,: ry Tompo ô :,:
Ny herinao sy indrafo !
:,: Haleloia ! :,:

5 Fa ny devoly resinao
:,: he resinao ! :,:
Ny ratsy nofongoranao,
:,: Haleloia ! :,:

6 Ry tany sy :,: ry lanitra :,:
Derao Andriamanitra !
:,: Haleloia ! :,:

153 - Ao an-dapany, Jesosy

1 Ao an-dapany, Jesosy
Dia derain’ny tapitrisa,
Fa ny lanitra sy tany
Dia samy mankamamy
:,: Ilay Mpandresy mora fo ! :,:

2 Jeso Tompo dia ho avy
Ho Mpitsara atý an-tany,
Na ny ratsy na ny tsara
Samy hanana anjara,
:,: Valin’ny natao tatý ! :,:

3 Ry Mpiantra be fitia,
Iantrao izahay mania ;
Raiso ho Anao, tahio,
Hafanao, ampifalio,
:,: Ento any Aminao ! :,:

154 - Izao Jesosy Tompontsika

1 Izao Jesosy Tompontsika
Dia nasandratry ny Ray
Ao an-tsezam-panjakany ;
Izay rehetra nialany
:,: Voarainy indray :,:

2 Tsy hadinony anefa
Izay nilaozany tatý,
Fa omeny ny Fanahy
Mba hitondra sy hitahy
:,: Ny mpianany :,:

3 Ao anilan-dRainy Izy
Manam-boninahitra,
Ka miderà Azy any
Izay rehetra anjakany
:,: Eran-danitra :,:

4 Tompom-pitsarana Izy,
Samy mba hatsangany,
Na ny ratsy na ny tsara,
Ka homeny izay anjara
:,: Valin’asany :,:

5 He ! hohitantsika Izy,
Dia ny tena endriny,
Ka ny lova soa homena
Izay nandray ny famonjena
:,: Voatendriny :,:

155 - An-tsezam-panjakany

1 An-tsezam-panjakany,
Ambony kintana,
No lapan’i Jesosy
Ilay nasandratra.

2 Atý an-tany iva,
Anilam-pasana,
No ipetrahantsika
Zoim-pahoriana.

3 Kanefa mety ihany
Ny monina atý,
Hiomana ho any
An-danitra arý.

4 Isika tsy kamboty,
Na dia nilaozany ;
Nomeny ny Fanahy
Ho solon-tenany.

5 Ny fahoriantsika,
Dia efa maivana,
Ny fahafatesantsika
Dia afa-tsindrona.

6 Ny ain’i Jeso Tompo
Iainantsika atý ;
Tsy ela dia hiseho
Indray ny tenany.

7 Ka hira no venteso
Ry havany izao,
Ny senton’alahelo
Mba atsaharonao !

156 - Jeso Mpanjaka tokana

1 Jeso Mpanjaka tokana
Na aiza misy olona :
Ny fanjakany hanerana
Ny tany sy ny lanitra.

2 Vavaka sy fisaorana
Hakarin’ny navotana ;
Haharitra tsy tapitra
Hanolo-boninahitra.

3 Ny firenen-drehetra anie
Hidera ny fitiavam-be ;
Ny zaza aza hanatitra
Ny hajam-boninahitra.

4 Ny tany izay alehany
Dia feno fitahiany ;
Ny voagadra afaka,
Miadana ny reraka.

5 Izao rehetra izao anie,
Hanatitra fisaoram-be
Ho an’ny Tompo tokana,
Izay Mpanjakan-danitra.

157 - Hobio, ry tra-bonjy

1 Hobio, ry tra-bonjy,
Fa indro ny Mpamonjy
Miakatra indray ;
Tsijonvy Izy any
Mandray ny fanjakany
Ao an-kavanan-dRay.

2 Ny hiran’ny anjely,
Manako sy miely
Arý an-danitra ;
Injay, ry Ray Tsitoha,
Miarahaba koa,
Mandray ny Zanaka.

3 O, miaingà, ry foko,
Fa aza mitoloko
Atý an-tany izao ;
Miandrandrà, jereo
Ilay voahombo teo !
Tsitoha Izy ao.

4 Naharitra ny mafy,
Niady sy nihafy
Ny Tomponao tatý !
Tahafonao izany,
Fa he ! ny fanjakany
Miandry anao arý !

158 - Raha afaka entana aho aty

1 Raha afaka entana aho atý
Ka tody any an-danitra arý,
Ny hanakaiky Ilay Tompo tia
No hifaliako mandrakizay.
Satriko re ny hanome
Saotra tokoa eran’ny fo
An’Ilay maty fa velona
indray,
Hatrehiko ao anilan’ny Ray.

2 ‘Ndrey ny haren’izao antrany
izao !
Izay handovako ilay tany
vaovao !
Fa ny hahita ny tavany ao
No hiadanako mandrakizay.
Satriko re ..sns.

3 Hava-malala hihaonako ao,
Hobin-tra-bonjy hiaraha-
manao ;
Mamy indrindra anefa izao ;
Kristy hatrehiko
mandrakizay.
Satriko re ..sns.

159 - Satrohy voninahitra

1 Satrohy voninahitra,
Anjely masina ô !
Ilay voasatro-tsilo teo,
Dia Jeso, Jeso, Jeso,
Tompo tokana !

2 Ry afa-pahoriana,
Izay ao an-dapany !
Nombany tao an-dalana,
Ka saotra, laza, hery,
Aoka ho Azy re !

3 Taranaky ny lavo ô,
Izay natsangany,
Ekeo Izy eram-po,
Ka saotra, laza, hery,
Aoka ho Azy re !

4 Ry firenena marobe
Ambany lanitra !
Miankohofa, maneke
Fa Jeso, Jeso, Jeso,
No Mpanjaka re !

7. NY FIFONANY HO ANTSIKA

160 - Kristy Mpanjaka

1 Kristy Mpanjaka,
Mendrika hoderaina
Izy no mitàna
Antsika ho velona aina,
Derao, derao
Ilay Mpanjakanao !

2 Kristy Mpanjaka,
Mendrika ho hajaina ;
Izy no mifona
Ho antsika novonjena
Hajao, hajao
Ilay Mpanjakanao !

3 Kristy Mpanjaka,
Mendrika ho hobiana ;
Izy no hitsena
Ny olo-notahiana,
Hobio, hobio
Ilay Mpanjakanao !